بین الاقوامی شہرت کے حامل پا کستانی گلوکار،اداکار،رائٹر ،مو سیقاراور ماڈل علی ظفر کا کہنا ہے کہ میرے والد چاہتے تھے کہ میں سی ایس ایس کروں مگر میں گلوکار بننا چاہتا تھا۔

تفصیلات کے مطابق علی ظفر نے سماجی تعلقات کی ویب سائٹ ٹوئٹر پر ایک ویڈیو شیئر کی ہے جس میں انہوں نے اپنے گلوکاری کے سفر کے بارے میں بتایا اور کیپشن میں لکھا کہ کبھی کبھار سفر آپ کو منزل کے بارے میں بتا دیتا ہے۔

Sometimes it's the journey that teaches you a lot about your destination.#Music #Myjourney pic.twitter.com/oMWKrwSk77

— Ali Zafar (@AliZafarsays) January 27, 2020

ویڈیو میں علی ظفر نے بتایا کہ میرے والد چاہتے تھے کہ میں مقابلے کے امتحانات میں کامیابی حاصل کرکے سی ایس پی افسر بنوں، مگر میں گلوکار بننا چاہتا تھا۔

علی ظفر ہتک عزت کیس میں پیشرفت

انہوں نے بتایا کہ میرے والد نے مجھے سی ایس ایس کیلئے آمادہ کرنے کے لیے کہا کہ جب تم سی ایس پی افسر بنو گے تو تمہارے آگے پیچھے گاڑیاں ہوں گی اور لوگ تمہیں سیلوٹ ماریں گے، اس پر میں نے والد کو جواب دیا کہ  میں چاہتا ہوں کہ لوگ مجھے میری پوسٹ نہیں کام کی وجہ سے سیلوٹ ماریں۔

علی ظفر نے مزید بتا یا کہ  سولہ برس کی عمر سے یہ احساس تھا کہ اسٹار بنوں گا اس وقت مجھے اور کسی بات کا علم نہیں تھا سوائے اس کے کہ میں گانا گانا چاہتا ہوں۔