پاکستان سپر لیگ (پی ایس ایل) کی فرنچائز کوئٹہ گلیڈی ایٹرز کے مالک ندیم عمر نے انکشاف کیا ہے کہ اگر بابر اعظم کوئٹہ گلیڈی ایٹرز میں شمولیت پر رضامندی ظاہر کرتے تو سرفراز احمد ان کو کپتانی سونپنے کے لیے تیار تھے۔
تفصیلات کے مطابق بابر اعظم نے کراچی کنگز سے علیحدگی اختیار کرلی ہے اور اب وہ نئی فرنچائز پشاور زلمی کی نمائندگی کریں گے۔
یہ بھی پڑھیں: پی ایس ایل 8؛ بابر اعظم پشاور زلمی کا حصہ بن گئے
کوئٹہ گلیڈی ایٹرز کے مالک ندیم عمر کا کہنا ہے کہ وہ قومی ٹیم کے کپتان کو اپنی فرنچائز میں رکھنا چاہتے تھے لیکن وہ کسی معاہدے تک نہیں پہنچ سکے۔
انہوں نے کہا کہ ’اگر بابر اعظم ہماری ٹیم کا حصہ بنتے تو ہم ان کا خیر مقدم کرتے جب کہ سرفراز ان کے لیے قیادت بھی چھوڑنے کو تیار تھے لیکن بدقسمتی سے ان کے ساتھ معاہدہ ممکن نہیں ہوسکا‘۔
انہوں نے بتایا کہ پی ایس ایل 8 کے لیے نسیم شاہ کو ریلیز کردیا گیا ہے جو کہ اب پی ایس ایل کی ڈرافٹنگ میں شامل ہوں گے۔
انہوں نے مزید کہا کہ ہم اپنی ٹیم میں بہترین کھلاڑیوں کو شامل کرنے کی کوشش کریں گے، ہمارا مقصد ہمیشہ کھلاڑیوں کو پلیٹ فارم دینا رہا ہے۔
واضح رہے کہ پی ایس ایل 8 اگلے سال فروری اور مارچ میں کھیلا جائے گا جب کہ پی ایس ایل 8 کے لیے 17 میچز کا فیصلہ ایک خصوصی شماریاتی ٹول کے ذریعے کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News