بلوچستان میں سیلاب سے جاں بحق افراد کی تعداد 336 تک پہنچ گئی، پی ڈی ایم اے

محمد غضنفر

12th Nov, 2022. 11:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان میں سیلاب سے جاں بحق افراد کی تعداد 336 تک پہنچ گئی، پی ڈی ایم اے

پی ڈی ایم اے نے کہا ہے کہ بلوچستان میں سیلاب سے جاں بحق افراد کی تعداد 336 تک پہنچ گئی۔

تفصیلات کے مطابق پی ڈی ایم اے نے بلوچستان میں سیلاب سے متاثرہ لوگوں کی صورتحال پر رپورٹ جاری کی جس میں ادارے نے کہا کہ صوبے میں سیلاب کے باعث جاں بحق ہونے والوں میں 149 مرد 80 خواتین اور 107 بچے شامل ہیں۔

ادارے نے کہا کہ بارشوں کے دوران حادثات کا شکار ہو کر 187 افراد زخمی ہوئے؛ زخمیوں میں 97 مرد، 40 خواتین اور 50 بچے شامل ہیں۔

پی ڈی ایم اے نے کہا کہ مجموعی طور پر صوبے بھر میں ڈھائی لاکھ سے زائد مکانات منہدم اور جزوی نقصان کا شکار ہوئے، بارشوں میں 2200 سے زائد کلو میٹر پر مشتمل مختلف شاہرائیں بھی شدید متاثر ہوئی ہیں۔

پی ڈی ایم اے رپورٹ کے مطابق بارشوں کے باعث مختلف مقامات پر 58 پل ٹوٹ چکے ہیں اور 4 لاکھ 34 ہزار 424 مال مویشی مارے گئے ہیں۔

رپورٹ میں کہا گیا کہ سیلاب کے باعث سولر پلیٹس، ٹیوب ویلز اور بورنگ کو نقصانات پہنچا ہے اور مجموعی طور پر 4 لاکھ 75 ہزار 721 ایکڑ زمین پر کھڑی فصلیں سیلاب میں بہہ گئی ہیں۔