والی بال میچ کے دوران گولیاں چل گئیں، مقامی کھلاڑی جاں بحق

ویب ڈیسک

24th Dec, 2022. 02:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

والی بال میچ کے دوران گولیاں چل گئیں، مقامی کھلاڑی جاں بحق

راولپنڈی: والی بال میچ کے دوران معمولی تلخ کلامی پر گولیاں چلنے سے مقامی کھلاڑی جاں بحق ہوگیا ہے۔

راولپنڈی میں تھانہ روات کے علاقے میں والی بال میچ جاری تھا کہ معمولی تلخ کلامی پر گولیاں چل گئیں جس کی وجہ سے ایک مقامی کھلاڑی جاں بحق ہوگیا ہے۔

جاں بحق ہونے والے کھلاڑی کا نام جنید خان بتایا گیا ہے جب کہ فائرنگ سے ایک اور کھلاڑی بھی شدید زخمی ہوا جس کا نام ناصر بتایا جارہا ہے۔

یہ بھی پڑھیں: دورانِ میچ کھلاڑی دل کا دورہ پڑنے سے ہلاک

زخمی اور جاں بحق ہونے والے کھلاڑیوں کو اسپتال منتقل کردیا گیا ہے۔

ذرائع کے مطابق معمولی تلخ کلامی پر فائرنگ روان عابد اور اعجاز نے کی جس کے بعد وہ جائے وقوعہ سے فرار ہوگئے ہیں۔

پولیس کا کہنا ہے کہ دو مقامی ٹیموں کے درمیان فلڈ لائٹ والی بال میچ کھیلا جارہا تھا جس دوران عابد اور اعجاز نے دوسری ٹیم پر فائرنگ کی۔

یہ بھی پڑھیں: کراچی اور حیدر آباد میں کرکٹ میچوں کے دوران 2 کھلاڑی جاں بحق

پولیس کے مطابق واقعے کی اطلاع ملتے ہی ایس پی صدر محمد نبیل پولیس کی بھاری نفری کے ہمراہ موقع پر پہنچ گئے۔

پولیس کا مزید کہنا تھا کہ ملزمان قانون کی گرفت سے نہیں بچ سکیں گے، انہیں جلد گرفتار کرلیا جائے گا۔