نیدرلینڈ کے شہر ایمسٹرڈیم میں سالانہ ایک کروڑ 90 لاکھ سیاح آتے ہیں اور یہ تعداد ایک دہائی میں 3 کروڑ کے قریب پہنچنے کا امکان ہے جبکہ وہاں کے مقامی با شندوں کی کل تعداد صرف 10 لاکھ ہے۔

سیاحوں کی بھرمار سے مٹھی بھر شہری زیادہ خوش نہیں لہذا انھوں نے اپنے شہر میں آنے والے سیاحوں کےلئے ایک انوکھی ترکیب ڈھو نڈ نکالی ہے جو کہ دلچسپ بھی ہے اور دنیا بھر میں خبروں کی زینت بھی بن رہی ہے۔

یہ با ت قابل ذکر ہے کہ ایمسٹر ڈیم شہر کی نہریں ، انسٹاگرام کی تصاویر کے لیے بہترین گلیاں، پرانی سائیکلیں اور بہت کچھ  سیاحوں کو اپنی جانب کھینچتا ہے۔

 نیدرلینڈ بورڈ آف ٹورازم اینڈ کنونشنز  نے ‘نیا نظریہ’ پیش کرتے ہوئے سیاحت کو فروغ کے بجائے سیاحوں کی تعداد کو مثبت چیزوں کے لیے استعمال کرنے کے حوالے سے ایک رپورٹ جاری کی ہے۔

شہر کے حکام اب اپنی توجہ ایسے سیاحوں پر دے رہے ہیں جو نیدرلینڈ کے لیے کچھ اچھا کرسکیں اور اسی مقصد کے لیے کئی طرح کے اقدامات بھی کیے جارہے ہیں۔

ان اقدامات میں اب سیاح ایمسٹر ڈیم کی کسی مقامی رہائشی سے ایک روایتی تقریب میں شادی کرتے ہیں یعنی انگوٹھیوں کا تبادلہ، وعدے اور عروسی ملبوسات وغیرہ۔

اس تقریب میں 35 منٹ لگیں گے جبکہ جوڑے اپنا ‘ہنی مون’ شہر کے ان حصوں کو دریافت کرتے ہوئے گزاریں گے جو زیادہ معروف نہیں۔

 یہ شادی قانونی نہیں بلکہ ایک دن کےلئے صرف علامتی ہے۔

ایمسٹرڈیم میں سیاح نہروں کی سیر بھی اب نئے انداز سے کررہے ہیں ،نہر کی سیر کےلئے کچھ مختلف انداز اپنا یا گیا ہے ،نہر کےلئے ایسی کشتی میں سفر کرایا جاتا ہے جو ایک سابق تارک وطن کی کشتی ہوتی ہے جسے ایک تارک وطن ہی چلاتا ہے، اس ٹور میں نیدرلینڈ میں باہر سے آکر بسنے والوں کی تاریخ اور اثر پر توجہ دی جاتی ہے۔

بیکار اشیا کو کسی کارآمد چیز میں بدلنا بھی اس پروگرام کا مقصد ہے جیسے سائیکل کے پہیوں کو بیلٹ اور بالیوں میں بدلنا، پلاسٹک بیگ سے نوٹ بکس بنایا وغیرہ یعنی تفریح اور تخلیقی صلاحیت ساتھ ساتھ۔

گلوبل ٹریش ہیرو نامی نیٹ ورک کی ایمسٹرڈیم شاخ کی جانب سے ہر ہفتے شہر کی صفائی کا کام کیا جاتا ہے جس میں مقامی افراد کے ساتھ اب سیاحوں کو بھی شامل کیا جاتا ہے۔

۔