پاکستان کی معروف اداکارہ صبا قمر نے ایک بار پھر محبت میں گرفتار ہونے کا انکشاف کیا ہے۔

حال ہی میں پاکستان کی معروف اداکارہ صبا قمر نے ایک نجی ٹی وی چینل کے شو مین شرکت کی جہاں انہوں نے اپنے محبوب سے متعلق گفتگو کی۔

شو کے دوران میزبان نے سوال کیا کہ سنا ہے کہ آپ کے گھر کے باہر پھولوں کا رش ہوتا ہے اور آپ جانتی ہی نہیں کہ یہ پھول کس نے رکھے ہیں؟

سوال کے جواب میں اداکارہ کا کہنا تھا کہ پیار کرنے والا، پھول پیار کرنے والے دیتے ہیں، مجھے پیار بھی بہت ملا ہے اور پیار کرنے والے بھی ہیں لیکن ایک انسان ہے جو ہر پیار پر بھاری ہے۔

میزبان نے سوال پوچھا کہ کیا آپ کی زندگی میں بھی ایسا کوئی شخص ہے؟ جس پر صبا قمر نے جواب دیا کہ ہم انسانوں کو کوئی، کی ہمیشہ ضرورت ہے، کوئی انسان کسی کے بغیر رہ نہیں سکتا۔

انٹرویو کے دوران میزبان نے سوال کیا کہ اس لمحے آپ ضرورت مند ہیں یا آپ کی ضرورت پوری ہو چکی ہے؟ جس پر اداکارہ صبا قمر شرما گئیں اور انہوں نے صرف شکر کہا۔

شو کے دوران میزبان نے کہا کہ کیا آپ اس خاص شخص کو کوئی پیغام دینا چاہتی ہیں؟ جس پر اداکارہ نے کہا کہ میں نروس بھی ہوں اور خوش بھی ہوں، اُن کے لیے کہنے کے لیے میرے پاس پوری ایک کتاب ہے لیکن ابھی وقت کم ہے تو میں ایک شعر کہہ دیتی ہوں۔

پھر پروگرام کے دوران صبا قمر نے اپنے ’محبوب‘ کو ’ڈارلنگ‘ کہتے ہوئے بابا بلھے شاہ کا شعر سب کے سامنے سُنایا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں