اینٹی ڈوپنگ فراڈ کی کوشش پر برازیل کے اسٹرائیکر کو دو سال کے لیے معطل کر دیا گیا ہے۔
تفصیلات کے مطابق فلیمنگو اور برازیل کے اسٹرائیکر گیبریل باربوسا کو اینٹی ڈوپنگ فراڈ کی کوشش کے الزام میں دو سال کے لیے معطل کر دیا گیا ہے۔
مقامی میڈیا نے خبر دی ہے کہ ‘گیبیگول’ کے نام سے مشہور 27 سالہ کھلاڑی نے میچ سے ایک دن قبل اینٹی ڈوپنگ ٹیسٹ کروانا مشکل بنا دیا تھا۔
باربوسا، جو اپنے ملک کے لئے 18 بار کھیل چکے ہیں، ان الزامات کی تردید کرتے ہیں.
فٹ بالر نے ایکس پر ایک پوسٹ میں کہا کہ میں نے کبھی بھی کسی ٹیسٹ میں رکاوٹ ڈالنے یا دھوکہ دینے کی کوشش نہیں کی ہے، اور مجھے یقین ہے کہ اعلی عدالت مجھے کلیئر کر دے گی۔
انہوں نے کہا کہ میں فیصلے کے نتائج سے مایوس ہوں لیکن میں کھیلوں کے حکام کے ساتھ تعاون جاری رکھوں گا اور یقین رکھتا ہوں کہ اعلیٰ عدالت میری بے گناہی ثابت کرے گی۔
باربوسا، جو 2016 ریو اولمپکس میں برازیل کے گولڈ میڈل جیتنے والے اسکواڈ کا حصہ تھے، اس فیصلے کے خلاف کھیلوں کی ثالثی عدالت (سی اے ایس) میں اپیل کر سکتے ہیں۔
برازیل کی ڈوپنگ کنٹرول اتھارٹی کا کہنا ہے کہ مذکورہ ایتھلیٹ کا فیصلہ اینٹی ڈوپنگ اسپورٹس کورٹ آف جسٹس نے کیا اور اکثریتی ووٹ سے یہ فیصلہ کیا گیا کہ اینٹی ڈوپنگ قوانین کی خلاف ورزی کی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News