اپنےموبائل  فون کواَن لاک مت رہنےدیں ورنہ اس سےآپ کاواٹس ایپ ڈیٹابھی چوری  ہوسکتاہے۔

مائیکروبلاگنگ ویب سائٹ ٹوئٹرپرعوام کیلئےخصوصی آگاہی میسج شئیرکرتے ہوئےاپنے پیغام میں ایف آئی اےسائبر کرائم ونگ کےاسسٹنٹ ڈائریکٹرآصف اقبال چوہدری نےبتایاہےکہ کس طرح لوگوں کا واٹس ایپ ڈیٹاچرایاجاتا ہے۔

آصف چوہدری کاکہناہےکہ کسی شخص کاموبائل فون اَن لاک ہوتوہیکراس کےموبائل سے 10 سے 20 سیکنڈ میں واٹس ایپ ویب کولاگ ان کرلےگا۔

آپکے وٹس ایپ میں موجود ڈیٹا کیسے چوری کیاجاتا ہے اور آپکی چیٹنگ اور میسجز کسطرح چوری چھپے پڑھے جاتے ہیں جسکا آپکو علم ہی نہیں ہوتا۔
جانیے۔۔۔ pic.twitter.com/hgdoPQvfgz

Advertisement

— Asif Iqbal Chaudhry (@AsifIqbalccw) April 5, 2020

اس کےلئےہیکرنےصرف موبائل سےواٹس ایپ ویب کاکیوآرکوڈ سکین کرناہوتاہے،اگرواٹس ایپ لاگ ان ہوجائےتولوگوں کاساراڈیٹا اورچیٹ ہیکرکےقبضےمیں آجاتی ہےاوروہ ڈیٹاچراکرلوگوں کو بلیک میل کرسکتا ہے۔

آصف اقبال چوہدری نے عوام کو واٹس ایپ کا ڈیٹا چوری سے بچانے کا طریقہ  بتاتےہوئے کہا کہ بہت سے لوگوں کو علم ہی نہیں ہوتا کہ ان کا واٹس ایپ کہاں کہاں لاگ اِن ہے۔

اس لیے موبائل فون کی سیٹنگ میں جا کر چیک کرنا چاہیے کہ کہیں واٹس ایپ ویب تو لاگ انہیں، واٹس ایپ سیٹنگز میں ہی یہ آپشن بھی موجود ہوتا ہے کہ آپ سب جگہوں سے لاگ آؤٹ کرسکتے ہیں، اس سے آپ کا ڈیٹا محفوظ رہے گا۔