کورونا وائرس کے باعث ملک میں لاک ڈاؤن جاری ہے، اس سلسلے میں یومیہ اجرت والے ملازمین اور نادار افراد کیلئے حکومت کی جانب سے راشن ان کے گھروں تک پہنچانے کیلئے ٹائیگر فورس تشکیل دی گئی جس کا باقائدہ اعلان وزیراعطم عمران خان نے خود کیا۔

ذرائع کی جانب سے اطلاعات سامنے آئی ہیں کہ ابھی تک ایک بھی غریب کو حکومت کی طرف سےامدادنہیں ملی تاہم حکومتی جماعت نےکرونا ٹائیگر فورس کے لئے شرٹس پر45 کروڑ اڑا دیے۔

کورونا ٹائیگر فورس کے لئے شرٹس بن رہی ہیں جس میں تینوں پی ٹی آئی کے جھنڈے کے رنگ استعمال ہو رہے ہیں، اس میں 45 کروڑ روپے خرچ ہوں گے۔

ایسے وقت میں جب کورونا وائرس کی وجہ سے ملک میں غریب شہریوں کو مشکلات کا سامنا ہے اور ابھی تک وفاقی و صوبائی حکومتوں کی جانب سے کہیں بھی کسی ایک شہری کو بھی امداد نہیں ملی. جتنا خرچ ٹائیگر فورس کی شرٹس پرنٹ کروانے پر کیا جا رہا ہے ان پیسوں‌سے ایک لاکھ 28 ہزار 5 سو گھرانوں میں 3500 روپے فی کس کے حساب سے راشن پہنچایا جا سکتا ہے۔.

کورونا ریلیف ٹائیگر فورس 14 اپریل سے فیلڈ میں کام شروع کردے گی،ٹائیگر فورس مکمل لاک ڈاؤن یا کرفیو کی صورت میں کام کرے گی، نوجوان ہنگامی حالات میں گھروں تک راشن سپلائی اور فوڈ چین بحال رکھیں گے، نوجوان رضاکار ذخیرہ اندوزی کی نشاندہی کر سکیں گے۔

 ٹائیگر فورس میں 18 سال سے زیادہ عمر کے نوجوان شامل ہوسکیں گے، تمام اضلاع کے ڈپٹی کمشنرز کے ساتھ ڈیٹا شیرنگ کی جائے گی ، رضا کار فورس قرنطینیہ میں رکھے گئے افراد کی پہرا داری کا کام بھی کرے گی ۔

ٹائیگرفورس میں نوجوانوں کو سیاسی وابستگی سے بالاتر ہو کر ٹیم میں شامل کیا جائے گا۔ تمام سیاسی جماعتوں کے کارکنان اس فورس میں شامل ہوسکتے ہیں۔.