تیز آندھی اور بارش کی پیشگوئی، محکمہ موسمیات نے الرٹ جاری کردیا

ویب ڈیسک

27th Mar, 2024. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تیز آندھی اور بارش کی پیشگوئی، محکمہ موسمیات نے الرٹ جاری کردیا

محکمہ موسمیات نے تیز آندھی اور بارش سے متعلق الرٹ جاری کردیا ہے۔

محکمہ موسمیات نے آج سے اتوار 31 مارچ تک ملک بھر میں تیزآندھی اور بارش کی پیشگوئی کردی ہے اور اس حوالے سے الرٹ بھی جاری کردیا ہے۔

مغربی ہواؤں کا سلسلہ آج ملک کے مغربی حصوں میں داخل ہوگا اور کل تک بالائی اور وسطی حصوں کواپنی لپیٹ میں لے گا، جس کے باعث بلوچستان کے سولہ اضلاع میں آج سے 29 مارچ تک بادل برسیں گے۔

28اور 29 مارچ کے دوران سکھر، جیکب آباد، کشمور، لاڑکانہ اور دادو میں بھی تیزہواؤں اورگرج چمک کے ساتھ بارش متوقع ہے۔

اس کے علاوہ اسلام آباد، راولپنڈی، سیالکوٹ، نارووال، لاہور، قصور، اوکاڑہ، فیصل آباد، مری اور گلیات سمیت پنجاب، خیبرپختونخوا، گلگت بلتستان اور کشمیر میں بھی بارش کا امکان ہے جبکہ مری سمیت پہاڑی علاقوں میں لینڈ سلائیڈنگ کا خطرہ ہے۔