ہفتے کے آخری کاروباری روز مقامی مارکیٹوں میں ڈالر اور سونے کی قیمتوں میں اضافہ دیکھا گیا ہے۔
تفصیلات کے مطابق آج ایک بار پھر صرافہ مارکیٹ میں سونے کی قیمتوں میں اضافہ ریکارڈ کیا گیا ہے کراچی، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی فی تولہ قیمت میں 350 روپے کا اضافہ ہوا جس کے نتیجے میں ایک تولہ کے نرخ 87 ہزار 750 روپے ہوگئے۔
جبکہ 10 گرام سونا بھی 300روپے مہنگا ہوگیا جس سے 10 گرام سونے کی قیمت 75 ہزار 231 روپے ہوگئی۔
واضح رہے کہ گزشتہ روزسے سونے کی قیمتوں میں بالترتیب 1000 اور500 روپے فی تولہ اضافہ ہوا تھا ۔
دوسر ی جانب ملک بھر میں کاروباری ہفتے کے آخری روز اوپن مارکیٹ اور انٹر بینک میں روپے کے مقابلے میں ڈالر کی قیمت میں اضافہ دیکھا گیا ہے۔
رواں ہفتے کے آخری کاروباری روز اوپن مارکیٹ میں روپے کے مقابلے میں ڈالر کی قدر 30 پیسے بڑھی جس کے بعد روپے کے مقابلے میں ایک امریکی کرنسی 156 روپے 70 پیسے کی سطح پر بند ہوئی۔
جبکہ دوسری طرف اوپن مارکیٹ کی طرح انٹر بینک میں ڈالر کی قیمت میں 18 پیسے کا اضافہ ہوا جس کے بعد روپے کے مقابلے میں ایک امریکی ڈالر 156 روپے 53 پیسے پر بند ہوا۔
جبکہ پاکستان سٹاک مارکیٹ میں کاروباری ہفتے کے آخری روز بھی تیزی رہی، حصص مارکیٹ کا 100 انڈیکس 281 پوائنٹس بڑھ گیا۔ تیزی کے تسلسل کے باعث مارکیٹ میں 33 ہزار کی نفسیاتی حد بحال ہو گئی۔
واضح رہے کہ کاروباری ہفتے کے پہلے روز 8 پوائنٹ، دوسرے روز 175.47 پوائنٹس، تیسرے روز 109.03 پوائنٹس، چوتھے روز 389 پوائنٹس جبکہ آج آخری روز حصص مارکیٹ کا 100 انڈیکس 281 پوائنٹس بڑھ گیا۔ صرف دو روز کے دوران 7 حدیں بحال ہوئیں جبکہ مسلسل چھ سیشنز کے دوران پاکستان سٹاک مارکیٹ کا 100 انڈیکس 1600 پوائنٹس بڑھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News