معاون خصوصی ڈاکٹر فردوس عاژق اعوان نے کہا ہے کہ پاکستان میں کاروبار کے نئے مواقع پیدا ہورہے ہیں۔
معاون خصوصی اطلاعات ڈاکٹر فردوس عاشق اعوان نے لاہور میں میڈیا سے گفتگو میں کہا کہ دنیا پاکستان کے ساتھ شراکت داری کرنا چاہتی ہے جبکہ حکومتی معاشی پالیسیوں کی بدولت سرمایہ کاروں کا اعتماد بڑھا ہے۔
انہوں نے کہا کہ بیرونی کمپنیوں کے پاکستان آنے سے روزگار کے مواقع بڑھیں گے۔
اپوزیشن پر تنقید کرتے ہوئے ڈاکٹر فردوس عاشق اعوان کا کہنا تھا کہ مسلم لیگ ن موروثی اور آمرانہ ذہنیت کی جماعت ہے اور جیل سے لکھے گئے خطوط کا حشر بھی قطری خطوط جیسا ہوگا جبکہ موجودہ قیادت پرچیوں اور چٹھیوں پر چلنے والی نہیں ہے، حکومت عوام کو بنیادی انسانی حقوق فراہم کرتی رہے گی۔
انکا مزید کہنا تھا کہ وزیراعظم عمران خان چیلنجز کو مواقع میں بدلنے کی اہلیت اور قابلیت رکھتے ہیں جبکہ پی ٹی آئی کا 126روزہ دھرنا قانون کی بالادستی اور قومی مقصد کیلئے تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News