وزیر اعظم عمران خان کا کہنا ہے کہ آئی ٹی شعبہ نے ڈیجیٹل پاکستان مہم کا آغاز کردیا ہے۔

تفصیلات کے مطابق وزیراعظم عمران خان سے ہواوے بورڈ سپروائزری کے چیئرمین  کی وفد کے ہمراہ اسلام آباد میں ملاقات ہوئی ۔

ملاقات میں چیئرمین سرمایہ کاری بورڈ زبیر گیلانی، سیکریٹری کامرس اور سیکریٹری آئی ٹی  بھی شریک تھے۔

وزیراعظم کو ہواوے کی پاکستان میں سرگرمیوں سے آگاہ کیا گیا جبکہ پاکستان میں سرمایہ کاری سے متعلق امور  بھی زیر غورآئے۔

 وزیراعظم کو بریفنگ میں بتایا گیا کہ نیا ایکوسسٹم کامیابی سے مکمل کرلیا  گیاہے۔

اس موقع پر وزیر اعظم عمران خان کا کہنا تھا کہ پاکستان میں سرمایہ کاری کے مواقع موجود ہیں،وزارت کامرس کی ای کامرس پالیسی سے استفادہ کریں۔پاکستان کے ذہین نوجوانوں سے بھی فاعدہ اٹھائیں۔

انہوں نے مزید کہا کہ آئی ٹی  کے شعبے نے ڈیجیٹل پاکستان مہم کا آغاز کردیا ہے۔

ملاقات میں پاکستان میں مینوفیکچرنگ یونٹس کی ریلوکیشن کا معاملہ بھی زیر غور آیا۔

وزیر اعظم نے کہا کہ حکومت سرمایہ کاروں کو سازگار ماحول فراہم کررہی ہے ۔پاکستان میں کم معاوضے پر لیبر اور ذہین نوجوانوں سے فاعدہ اٹھایا جاسکتا ہے۔

ہواوے بورڈ سپروائزری کے چیئرمین   نے کہا کہ  پاکستانی  طلبا کی ذہانت سے متاثر ہوا ہوں۔نمل کالج کے طلبا کے لیے میرٹ ایوارڈز کا انعقاد  بھی کیاگیا ۔

ہواوے  کے وفد  نےپاکستان میں مزید سرمایہ کاری  کی خواہش کا اظہار بھی کیا۔