سونے کی قیمت اونچی اڑان کے بعد منہ کے بل زمین پر آگری ۔
تفصیلات کے مطابق پاکستان میں فی تولہ سونے کی قیمت میں 6 ہزار ایک سو روپے کی ریکارڈ کمی دیکھنے میں آئی ہے۔
تاریخی کمی کے بعد فی تولہ سونا 1 لاکھ 20 ہزار روپے کا ہو گیا ہے۔
دس گرام سونے کی قیمت بھی 5 ہزار 229 روپے کی کمی سے 1 لاکھ 2 ہزار 881 روپے ہوگئی ہے۔
عالمی بازار میں سونا فی اونس 55 ڈالر کی کمی سے 1933 ڈالر کا ہو گیا ہے۔
پاکستان میں فی تولہ چاندی کی قیمت بھی 200 روپے کمی سے 14 سو 70 روپے کی ہو گئی ہے ۔
دوسری جانب پاکستان اسٹاک ایکسچینج میں کاروباری ہفتے کےتیسرے روز زبردست اتار چڑھاؤ دیکھا گیا۔ مارکیٹ 85 پوائنٹس کی کمی سے 40,473 پر بند ہوئی۔
دن بھر مجموعی طور پر 369 کمپنیوں کے شیئرز میں کاروبار ہوا ۔ 263 کمپنیوں کے شیئرز کی قیمتوں میں کمی جبکہ 86 کے شیئرزکی قیمتوں میں اضافہ ہوا۔
آج مارکیٹ کی بلند ترین سطح 41,118 جبکہ کم ترین سطح 40,390 رہی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News