ملک بھر میں تاریخ کا سب سے بڑا فراڈ پکڑا گیا ہے جس میں پنجاب سرفہرست دیکھا گیا ہے۔

تفصیلات کے مطابق بول نیوز کی کاوشوں کے ذریعے محکمہ ایکسائز پنجاب کی تاریخ میں گاڑیوں کا سب سے بڑا فراڈ سامنے آ گیا ہے جبکہ بول نیوز نے جعل سازی سے رجسٹرڈ ہونے والی سینکڑوں گاڑیوں کا ریکارڈ بھی حاصل کر لیا ہے۔

حاصل کردہ رپورٹ کے مطابق گاڑیوں کی مد میں کیا جانے والا فراڈ لاک ڈاؤن کے دوران جون تا ستمبر کے عرصے میں کیا گیا ہے۔

محکمہ ایکسائز ملتان میں اہلکاروں نے لاک ڈاون کے دوران 270 سے زائد گاڑیوں کی مبینہ جعلی فیڈنگ کی پرانی گاڑیوں کی جبکہ مینوئل فیڈنگ کو کمپیوٹرائزڈ کرتے ہوئے نئی گاڑیوں کے کوائف درج کر دیئے گئے۔

محکمہ ایکسائز کے اہلکاروں کی جانب سے پرانی گاڑیوں کی ریکارڈر میں پڑی اصل فائلیں بھاری رقوم کے عوض بیچ دی گئیں جبکہ ایک سو سے زائد گاڑیوں کی انجن پاور میں تبدیلیاں کی گئیں جبکہ بڑے انجن کی گاڑی کو ریکارڈ میں چھوٹی گاڑی میں تبدیل کیا گی۔

فراڈ کی مد میں گاڑی کی کلاس اور لیڈن ویٹ تبدیل کرکے بھاری ٹیکس اور فیسیں بچائی گئیں ہیں۔

ان تمام کئے جانے فراڈ کے الزام میںکلرک اور انسپکٹر کے خلاف مقدمہ درج کر لیا گیا ہے۔

اس ضمن میں ڈائیریکٹر ایکسائز ملتان عبداللہ خان کا کہنا ہے کہ جونئیر کلرک زوار احمد انسپکٹر علی عباس اور دیگر نے لاک ڈاون کے دوران فراڈ سے کروڑوں روپے کمائے ہیں اور اس معاملے کی انکوائری کے لئے کمیٹی تشکیل دیدی گئی ہے۔