ماڑی گیس فیلڈ سے پاک عرب فرٹیلائزرز کو گیس کی فراہمی شروع

ویب ڈیسک

05th Dec, 2021. 03:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماڑی گیس فیلڈ سے پاک عرب فرٹیلائزرز کو گیس کی فراہمی شروع

وفاقی کابینہ کی منظوری کے بعد ماڑی گیس فیلڈ سے پاک عرب فرٹیلائزرز کو گیس کی فراہمی شروع کردی گئی ہے۔

ماڑی پٹرولیم کے ترجمان کے مطابق ماڑی گیس فیلڈ سے پاک عرب فرٹیلائزرز کو 10 ایم ایم سی ایف ڈی گیس فراہمی شروع کردی گئی ہے۔ پاک عرب فرٹیلائزرز کو گیس فراہمی کی منظوری وفاقی کابینہ پہلے ہی دے چکی ہے۔

ترجمان کا کہنا ہے کہ پاک عرب فرٹیلائزرز کو گیس حلال 1 اور اقبال 1 گیس فیلڈز سے فراہم کی جائے گی۔ گیس فراہمی سے کھاد کی پیداوار میں ایک لاکھ ٹن سالانہ کا اضافہ ہوگا اور کھاد کی درآمد کم کرنے میں مدد ملے گی۔

واضح رہے کہ ملک میں زرعی شعبے کے فروغ اور کاشتکاروں کو کھاد کی فراہمی یقینی بنانے کے لیے کھاد بنانے کی فیکٹریوں کو گیس کی فراہمی جاری رکھنے کا فیصلہ کیا گیا ہے۔

دوسری جانب ملک میں اس وقت گیس کا شدید بحران ہے، سندھ اور بلوچستان کے سی این جی اسٹیشنز 15 فروری تک بند کردیئے گئے ہیں۔