اٹلس ہونڈا کمپنی نے اپنی موٹر سائیکلوں کی قیمت میں 9 ہزار سے زائد کا اضافہ کردیا ہے۔
تفصیلات کے مطابق اٹلس ہونڈا نے رواں برس پہلی بار موٹر سائیکل کے مختلف ماڈلز کی قیمتوں میں 9 ہزار 400 روپے تک کا اضافہ کردیا ہے۔
پاکستان میں معاشی اعتبار سے سب سے بہترین سواری سمجھی جانے والی ہونڈا سی ڈی 70 موٹر سائیکل کی قیمت 3 ہزار روپے اضافے سے 97 ہزار 900 روپے کی ہوگئی ہے۔
ہونڈا سی ڈی 70 ڈریم کی قیمت 3 ہزار روپے اضافے کے بعد ایک لاکھ 4 ہزار 500 روپے جبکہ پرائڈر 100 سی سی کی قیمت 3 ہزار 400 روپے اضافے کے بعد ایک لاکھ 33 ہزار 900 روپے ہوگئی ہے۔
پاکستانی نوجوانوں میں سب سے زیادہ پسندیدہ ترین سمجھی جانے والی ہونڈا 125 موٹرسائیکل ساڑھے 3 ہزار روپے اضافے کے بعد ایک لاکھ 55 ہزار 400 روپے کی ہوگئی ہے۔
ہونڈا سی جی 125 ایس ای کی قیمت ساڑھے 3 ہزار روپے اضافے کے بعد ایک لاکھ 85 ہزار 500 روپے ہوگئی ہے۔
ہونڈا سی بی 125 ایف اور سی بی 150 ایف کی قیمتیں 9 ہزار 400 روپے اضافے سے بالترتیب 2 لاکھ 27 ہزار 900 روپے اور 2 لاکھ 82 ہزار 900 روپے ہوگئی ہیں۔
واضح رہے کہ اٹلس ہونڈا نے 3 ماہ قبل یکم نومبر 2021 کو بھی قیمتوں میں اضافہ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News