ایل پی جی کی قیمتوں میں اضافے سے متعلق بڑی خبر آگئی

ویب ڈیسک

13th Mar, 2024. 03:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایل پی جی کی قیمتوں میں اضافے سے متعلق بڑی خبر آگئی

ایل پی جی کی قیمتوں میں اضافے سے متعلق بڑی خبر آگئی ہے۔

آئل اینڈ گیس ریگولیٹری اتھارٹی ( اوگرا ) نے ایل پی جی کی قیمتوں میں مصنوعی اضافے کا نوٹس لے لیا ہے۔

اس حوالے سے ترجمان اوگرا عمران غزنوی کا کہنا ہے کہ ملک میں ایل پی جی کا وافر ذخیرہ موجود ہے اور اس کے باوجود ایل پی جی کی قیمتوں میں اضافہ غیر قانونی ہے، اس کی بنیادی وجہ غیرقانونی ذخیرہ اندوزی ہے۔

انہوں نے کہا کہ چند بددیانت عناصر مصنوعی قلت پیدا کر کے صارفین تک ایل پی جی رسائی مشکل بنا رہے ہیں اور اسٹاک روک کر زائد قیمت وصول کی جا رہی ہے۔

عمران غزنوی نے کہا کہ اوگرا نے مصنوعی قلت کے حوالے سے صوبائی چیف سیکرٹریز کو بھی آگاہ کردیا ہے۔

ترجمان اوگرا کا کہنا تھا کہ مقامی حکومتیں اور صارفین تک مقررہ قیمتوں پر ایل پی جی فراہمی کیلئے اقدامات کریں، اوگرا کی انفورسمنٹ ٹیمیں پہلے ہی ملک میں مناسب اسٹاک کی موجودگی اور مقررہ قیمتوں کے اطلاق کے لئے فیلڈ میں مصروف عمل ہیں۔

واضح رہے کہ ملک میں اس وقت ایل پی جی کی سرکاری قمیت 257 روپے فی کلو ہے جبکہ صارفین سے 300 روپے فی کلو سے زائد غیر قانونی وصولی ہو رہی ہے۔