پیٹرولیم مصنوعات کی قیمتوں سے متعلق پریشان کن خبر آگئی ہے۔
آئل اینڈ گیس ریگولیٹری اتھارٹی اوگرا نے پیٹرولیم مصنوعات کی قیمتوں کو ڈی ریگولیٹ کرنا چیلنج قرار دیتے ہوئے دستاویز وزارت پیٹرولیم کو بھیجوا دی ہیں۔
وزارت پیٹرولیم کو بھیجی گئی دستاویز کے مطابق یکساں قیمت کا اطلاق ختم ہونے سے صارفین سے اضافی قیمتوں کی وصولی کا خدشہ ہے، پیٹرول پمپس کو اضافی چارجز روکنے کا طریقہ وضع کرنا ہوگا۔
دستاویز کے مطابق مارکیٹ میں کارٹلائزیشن کو روکنے کیلئے اوگرا کی استعداد کار میں اضافہ ناگزیر ہے، مارکیٹ میں گٹھ جوڑ سے مہنگائی کو روکنے کیلئے آئل رولز میں تبدیلی کرنا ہوگی، پرانی ریفائنریز کو اپ گریڈ کرنے کی اسکیم بھی متاثر ہوسکتی ہے۔
حکام کے مطابق فیصلے سے شمالی علاقہ جات اور دیگرعلاقوں میں قیمتیں زیادہ بڑھ سکتی ہیں، اوگرا نے حکومت کو تجویز دی ہے کہ حکومت کو بینظیر انکم سپورٹ پروگرام طرز کی کراس سبسڈی متعارف کرانا ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News