خواجہ آصف کیخلاف ہرجانے کا کیس، عمران خان سے جواب طلب

شہباز احمد

28th Oct, 2019. 12:06 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

خواجہ آصف کیخلاف ہرجانے کا کیس، عمران خان سے جواب طلب

اسلام آباد ہائیکورٹ نے مسلم لیگ (ن) کے رہنما خواجہ آصف پر 10 ارب روپے ہرجانے کے کیس پر وزیراعظم عمران خان سے جواب طلب کرلیا ہے۔

اسلام آباد ہائیکورٹ میں وزیراعظم عمران خان کے لیگی رہنما خواجہ آصف کے خلاف 10 ارب روپے ہرجانے پر سیشن کورٹ کے فیصلے کے خلاف خواجہ آصف کی درخواست پر سماعت ہوئی۔

دورانِ سماعت چیف جسٹس اسلام آباد ہائیکورٹ جسٹس اطہر من اللہ نے استفسار کیا کہ خواجہ آصف کی نااہلی کا حکم اسی عدالت نے دیا تھا، خواجہ آصف کو اس بینچ پر اعتراض تو نہیں۔

اس پر خواجہ آصف کے وکیل نے کہا کہ میرے موکل کو آپ کے کیس سننے پر کوئی اعتراض نہیں۔

خواجہ آصف کے وکیل نے مؤقف اپنایا کہ 2012 سے عمران خان کا ہرجانہ کیس زیر التوا ہے۔

عدالت نے کیس کی مختصر سماعت کے بعد سیشن کورٹ کے فیصلے کے خلاف خواجہ آصف کی درخواست پر وزیراعظم عمران خان کوبھی نوٹس جاری کرکے جواب طلب کرلیا۔

واضح رہےکہ خواجہ آصف نےکینسراسپتال اور فارن فنڈنگ پر 2012 میں عمران خان پر الزامات لگائے تھے۔