سینیٹر اعظم سواتی کی ضمانت کی درخواست پر سماعت ایک بار پھر ملتوی کردی گئی ہے۔

تفصیلات کے مطابق اعظم سواتی ضمانت کیس کی سماعت نئے تعینات ہونے والے اسپیشل جج سینٹرل اعظم خان نے کی جس دوران اعظم سواتی کی ضمانت کی درخواست پر دوبارہ دلائل کا آغاز کیا گیا۔

اعظم سواتی کی ضمانت کی درخواست پر وکیل بابر اعوان کے دلائل مکمل کرتے ہوئے بتایا کہ مقدمہ کے مدعی متاثرہ فریق نہیں ہے، مقدمہ ایف آئی اے کی جانب سے درج کیا گیا تھا جبکہ توہین کا معاملہ بنتا ہی نہیں ،اور زیادہ سے زیادہ توہین کے معاملے میں ہزار روپے جرمانہ بنتا ہے۔

یہ بھی پڑھیں: اعظم سواتی کے خلاف سندھ کے 3 اضلاع میں درج مقدمات ختم

انہوں نے بتایا کہ پچھتر سالہ شہری کو دو صوبوں میں گھوماتے رہے تاہم اسپیشل پراسیکیوٹر راجا رضوان عباسی کل دلائل دینگے ۔

بعدازاں اسپیشل جج سینٹرل کی عدالت میں اعظم سواتی ضمانت کی درخواست پر سماعت کل تک ملتوی  کردی گئی ہے

خیال رہے کہ اس سے قبل اسپیشل جج سینٹرل راجا آصف محمود نے فیصلہ محفوظ کیا تھا تاہم راجا آصف محمود کا تبادلہ کردیا گیا تھا اور جج اعظم خان کو نیا اسپیشل جج سینٹرل تعینات کیاگیا تھا۔

یہ بھی پڑھیں: سندھ ہائی کورٹ نے اعظم سواتی کو مزید مقدمات میں گرفتار کرنے سے روک دیا

واضح رہے کہ متنازع ٹوئٹ کے کیس میں اعظم سواتی کی درخواست ضمانت پر سماعت بغیر کارروائی 19 دسمبر تک ملتوی کردی گئی تھی تاہم عظم سواتی کی درخواست ضمانت پرفیصلہ جج راجا آصف نے محفوظ  کیا تھا جو کہ 16 دسمبر کو سنایا جانا تھا۔

 اس سے قبل ہونے والی سماعت میں عدالت نے انھیں مزید مقدمات میں گرفتارنہ کرنے کاحکم جاری کیا۔

عدالت نے پراسیکیوٹرجنرل اور آئی جی  سے جواب  طلب کررکھاہے جبکہ اعظم سواتی کے خلاف عدالت عالیہ نے صوبے میں درج مقدمات کی تفصیلات بھی طلب کی تھیں۔

واضح رہے کہ سندھ ہائیکورٹ میں درخواست اعظم سواتی کے بیٹے عثمان سواتی نے دائرکی جس پرعدالت نے پراسیکیوٹر جنرل اور آئی جی  سے  جواب  طلب کیا۔

پولیس نے حکومتی ایما پرسینیٹر اعظم سواتی کے خلاف مزید دوایف آئی آرزدرج کرلیں اوررہائی میں تاخیری حربے اختیارکیے جا رہ ہیں۔