توہین الیکشن کمیشن کیس میں چیئرمین پی ٹی آئی عمران خان کے وارنٹ گرفتاری معطل کردیئے گئے ہیں۔
تفصیلات کے مطابق لاہور ہائی کورٹ میں راولپنڈی بنچ نے الیکشن کمیشن کی جانب سے عمران خان اور فواد چوہدری کو جاری وارنٹ گرفتاری معطل کردئیے۔
یہ بھی پڑھیں: توہینِ الیکشن کمیشن کیس: عمران خان، اسد عمر اور فواد چوہدری کے قابلِ ضمانت وارنٹ جاری
کیس کی سماعت جسٹس صداقت علی خان نے کی جس میں عمران خان اور فواد چوہدری کی جانب سے ایڈووکیٹ فیصل چوہدری عدالت میں پیش ہوئے۔
اس موقع پر عدالت کا کہنا تھا کہ الیکشن کمیشن توہین الیکشن کمیشن کی سماعت جاری رکھے، جس پر فیصل چوہدری کا کہنا تھا کہ ہم الیکشن کمیشن کی پروسیڈنگز میں پیش ہوتے رہے ہیں اور ہونگے بھی۔
انہوں نے مزید کہا کہ الیکشن کمیشن کوئی آئینی عدالت نہیں وارنٹ گرفتاری کا اختیار نہیں ہے۔
بعدازاں عدالت نے عمران خان اور فواد چوہدری کی جانب سے دائر درخواستوں پر فیصلہ دیتے ہوئے وارنٹ گرفتاری معطل کردئیے۔
خیال رہے کہ الیکشن کمیشن آف پاکستان میں توہین الیکشن کمیشن اور الیکشن کمشنر کیس میں سابق وزیراعظم عمران خان، فواد چوہدری اور اسد عمر کی حاضری سے استثنیٰ کی درخواست مسترد کرتے ہوئے قابل ضمانت وارنٹ گرفتاری جاری کئے تھے۔
یہ بھی پڑھیں: عمران خان، فواد اوراسدعمر کیخلاف توہین الیکشن کمیشن کیس سماعت کیلئے مقرر
فیصلے کے مطابق عمران خان، اسد عمر اور فواد چوہدری کو 50، 50 ہزار روپے کے مچلکے جمع کرانے کی ہدایت کی گئی تھی جس کے بعد الیکشن کمیشن نے کیس کی سماعت 17 جنوری تک ملتوی کردی تھی۔
واضح رہے کہ رہے کہ عمران خان، اسد عمر اور فواد چوہدری کی جانب سے حاضری سے استثنیٰ کی درخواستیں دائر کی گئی تھیں جس پر الیکشن کمیشن نے درخواستوں پر گزشتہ سماعت پر دلائل کے بعد فیصلہ محفوظ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News