جوڈیشل کمپلیکس حملہ کیس؛ عمر ایوب، شبلی فراز سمیت دیگر کی ضمانت منظور
اسلام آباد کی انسداد دہشت گردی عدالت نے جوڈیشل کمپلیکس حملہ توڑ پھوڑ کیس میں علی امین گنڈا پور، عمر ایوب، شبلی فراز و دیگر پی ٹی آئی رہنماؤں کی ضمانت منظور کر دی۔
جج طاہر عباس سپرا نے جوڈیشل کمپلیکس حملہ توڑ پھوڑ کیس میں پی ٹی آئی رہنماؤں کی ضمانت کی درخواستوں پر سماعت کی۔
پی ٹی آئی وکیل بابر اعوان و دیگر وکلاء عدالت کے سامنے پیش ہوئے جبکہ عمر ایوب، شبلی فراز، امجد نیازی، علی نواز اعوان و دیگر پی ٹی آئی کارکنان بھی عدالت کے سامنے پیش ہوئے۔
دوران سماعت جج کی جانب سے ریمارکس میں کہا گیا کہ سب ملزمان ایک ہی اسٹیج پر کھڑے ہیں، ضمانت کی درخواستیں خارج ہوں گی تو سب کی ساتھ خارج ہوں گی، سب درخواستوں کا ایک ساتھ ہی فیصلہ کریں گے۔
اس موقع پر وکیل بابر اعوان نے کہا کہ کل سے عدالتی چھٹیاں شروع ہو رہی ہیں، ستمبر تک سماعت ملتوی کر دیں۔
Advertisement
جج طاہر عباس سپرا نے پی ٹی آئی وکلاء کو ہدایت کی کہ جن عدالتی فیصلوں کا حوالہ دیا گیا ہے وہ عدالت کو فراہم کر دیں۔
بعدازاں عدالت نے مزید سماعت 4 ستمبر تک ملتوی کر دی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
