اسلام آباد: پاک سر زمین کی مٹی میں ان گنت شہداء کا خون شامل ہے۔
پاکستانی قوم شہداء کی مقروض ہے اور شہداء کی قربانیوں کی بدولت ہی آج پاکستان محفوظ ہے۔
کیپٹن باسط علی شہید بھی ان شہداء میں شامل ہے جنھوں نے اپنی جان وطن عزیز کی ناموس کے دفاع میں قربان کر دی، کیپٹن باسط علی کی پیدائش 31 مارچ 1996 کو ہری پور میں ہوئی، انہوں نے اپریل 2016 میں کمیشن حاصل کیا اور پاکستان آرمی کی بلوچ رجمنٹ میں شمولیت اختیار کی۔
کیپٹن باسط علی کو 2017 کے پیسز مقابلوں میں پاکستان آرمی کے بہترین آفیسر ہونے کا اعزاز ملا جبکہ 13 جولائی 2021 کو ضلع کرم کے علاقے زیوا میں آپکو دہشت گردوں کیخلاف آپریشن کا حکم ملا، آپ نے جان کی پروا نہ کی اور انتہائی بہادری سے لڑتے ہوئے 3 دہشت گردوں کو جہنم واصل کیا۔
دشمن سے شدید فائرنگ کے تبادلے کے دوران کیپٹن باسط علی دشمن کی گولیوں کا نشانہ بن گئے اور جام شہادت نوش کیا، آج کیپٹن باسط علی خان شہید کی پیدائش کا دن ہے، تاہم ان کی قربانی ہماری آنے والی نسلوں کیلئے مشعل راہ ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News