فواد خان کوان کی سالگرہ کی موقع پر بھارتی فلم فیئر ایڈیٹر جتیش پِلائی نےالفت بھرا پیغام بھیج دیا۔
فواد خان کی 38ویں سالگرہ کےموقع پرپاکستان سے انہیں مداحوں نے سالگرہ کی مبارکباد دی ہیں تو دوسری جانب سرحدپار بھی اداکار کی سالگرہ کے موقع پرمعروف بھارتی فلم فیئر ایڈیٹر نے بھی ایک خوبصورت پیغام لکھا۔
فلم فیئرایڈیٹرجتیش پِلائی نے اپنے انسٹاگرام اکاؤنٹ پر فوادخان کی تصاویر اور ویڈیوز شیئر کرتے ہوئےانہیں سالگرہ کی مبارکباد بھیجی۔
بھارتی ایڈیٹرکافواد خان کو سالگرہ کی مبارکباد دیتے ہوئے یہ بھی کہنا تھاکہ ’ہم جہاں بھی جاتے ہیں آپ کا ایک حصہ اپنے ساتھ لے کر جاتے ہیں اور مجھے یقین ہے کہ آپ بھی یہی کرتے ہوں گے‘۔
جتیش پلائی نےناصرف اپنی انسٹاگرام پوسٹ سےاداکارکو سالگرہ کی مبارکباد دی بلکہ انہوں نے انسٹاگرام اسٹوری پر بھی فواد کی پرانی تصاویر شیئر کرتے ہوئے ماضی کی یادیں تازہ کیں اور انہیں سالگرہ کی مبارکباد دی۔
فواد خان آج کل فلموں اور ڈراموں کی اسکرین سے غائب ہیں لیکن ان کے ہر ڈرامے اور فلم کامداحوں کوبے چینی سےانتظار رہتا ہے۔
اداکارنہ صرف لالی ووڈ میں مقبول ہیں بلکہ سرحد پار بھی انہیں بے شمار لوگ پسند کرتے ہیں اور انہیں اسکرین پر دیکھنے کے منتظر رہتے ہیں۔
فوادخان کےعوام میں مقبول ترین ڈرامہ سیریل ہم سفر اور زندگی گلزار ہے میں اداکاری کو بے حد سراہاگیاتھا۔
انہوں نے 2014 میں بالی ووڈ میں فلم خوبصورت میں اداکارہ سونم کپور کے ساتھ اپنی شاندار اداکاری کے جوہر دکھائے اور بھارتیوں کوبھی اپنا گرویدہ کرلیاجس کے بعد انہوں نے 2016 میں بالی ووڈ کی ایک اور فلم کپور اینڈ سنز میں بھی مرکزی کردارنبھایا۔
سال2016 میں بھارت نےپاکستانی آرٹسٹ کے وہاں جاکرکام کرنے پر پابندی لگائی جس کے بعد فواد خان بالی وڈ میں دوبارہ کام نہیں کر سکے تھے۔
پابندی کے کچھ سال بعد 2019 میں ہونے والے پلوامہ حملے کے بعد آل انڈین سائن ورکرز ایسوسی ایشن (اے آئی سی ڈبلیو اے) نے بھارتی فلمی صنعت میں کام کرنے والے پاکستانی اداکاروں اور فنکاروں پر مکمل پابندی کا اعلان کرنے کے ساتھ اس عزم کا اظہار کیا تھا کہ جو بھی پاکستانی فنکاروں کے ساتھ کام کرے گا اس کے خلاف سخت کارروائی کی جائے گی۔
بھارتی بیان کے بعد پاکستان میں بھی ردعمل کا اظہار کیاگیا اورکسی بھی قسم کا بھارتی مواد نشر کرنے پر پابندی لگادی گئی۔
دوسری جانب فواد خان کے ساتھ فلم خوبصورت میں کردار نبھانے والی بالی ووڈ اداکارہ سونم کپورنےبھی فواد خان کو سالگرہ کی مبارکباد دی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News