پاکستان کے نامور گلوکار اور اداکار علی ظفر نے خواجہ سرا جولی خان کی کہانی پر افسوس اور غم کا اظہار کیا ہے۔

تفصیلات کے مطابق گلوکار علی ظفر نے گزشتہ روز سماجی کارکن خواجہ سرا جولی خان کی کہانی شیئر کرتے ہوئے لکھا کہ جولی خان کی کہانی سُن کر میرا دل ٹوٹ گیا۔

This broke my heart. Julie Khan, a transgender living in our society expresses how isolated their community has been made to feel.
It is our collective responsibility to make them feel equal and loved.
سب کو اللّٰهُ نے بنایا ہے #humanity #transgender pic.twitter.com/YzLv40SNK7

— Ali Zafar (@AliZafarsays) March 25, 2020

گلوکار نے سماجی رابطے کی ویب سائٹ ٹوئٹر پر ایک ویڈیو شیئر کی جس میں جولی خان نامی سماجی کارکن خواجہ سرا بتا رہا ہے کہ پوری دُنیا کو قرنطینہ میں رکھنے سے اُن کی زندگیوں پر کوئی اثر نہیں ہوا ہے۔

علی ظفر کی جانب سے شیئر کی جانے والی ویڈیو میں خواجہ سرا جولی خان نے کہا کہمعاشرہ اب قرنطینہ میں گیا ہے تو اِس وجہ سے سب کو پریشانی ہو رہی ہے لیکن ہمارے لیے یہ نئی بات نہیں ہے کیونکہ ہم تو پہلے سے قرنطینہ میں رہ رہے ہیں۔

خواجہ سرا جولی نے کہا کہ ہم کونسا اپنے گھروں میں  اپنے بہن بھائیوں کے ساتھ رہ رہے ہیں اور کونسا ہمارے بہت زیادہ دوست احباب ہیں۔

جولی نے بتایا کہ معاشرے میں کوئی ہمیں ایک دوست کی حیثیت سے قبول نہیں کرتا، اِس لیے ہم تو پہلے سے ہی قرنطینہ میاور ں رہ رہے تھے۔

انہوں نے کہا کہ دنیا بھر میں پھیلے جانے والے وائرس کی وجہ سے اب پوری دنیا قرنطینہ جیسی مشکل کو دیکھ ر ہی ہے، اب آپ لوگ محسوس کریں کہ سب سے الگ رہ کر ہم کیسا محسوس کرتے ہیں۔

اُنہوں نے کہا کہ آپ لوگوں کے لیے تو یہ جنگ لڑنا بہت آسان ہے کیونکہ ابھی تو آپ لوگوں کے پاس کوئی تعصب نہیں ہے۔

جولی خان نے بتایا کے اگر قرنطینہ میں رہتے ہوئے اگر آپ یہ سب سوچیں کہ میرے پاس گھر نہیں ہے، ماں باپ نہیں ہیں، پیسہ نہیں ہے، کھانے کو رزق نہیں ہے، نوکری نہیں ہے، تعلیم نہیں ہے تو آپ لوگ کیسا محسوس کریں گے۔

اُنہوں نے کہا کہ ہمارے لیے اِس معاشرے میں بہت سے مسائل ہیں، اِس معاشرے میں نہ تو انسانیت ہے، نہ عدل ہے، نہ انصاف ہے، نہ تمیز ہے، نہ شعور ہے لیکن اگر اِس معاشرے میں اسلام اور انسانیت آجائے گی تو ہمارا خوف ختم ہوجائے گا۔

اُنہوں نے کہا کہ جو لوگ دنیا میں خدا بنے بیٹھے ہیں اور بھول گئے ہیں کہ اُن کو مرنا ہے تو یہ کورونا وائرس اُن کو یہ احساس دلانے آیا ہے تُم اللّہ کے سامنے کچھ بھی نہیں ہو۔

واضح رہے کہ گلوکار علی ظفر نے ویڈیو کی کیمشن میں لکھا کہ ہماری اجتماعی ذمہ دای بنتی ہے کہ ہم معاشرے میں تمام خواجہ سراؤں کو برابری اور محبت کا احساس دلائیں کیونکہ ’سب کو اللّہ نے بنایا ہے۔‘