بالی ووڈ منشیات کیس میں ایک اور بھارتی اداکارہ کو گرفتار کرلیا گیا


تنویر علی

26th October, 2020

بھارت میں نیشنل نارکوٹکس بیورو نے ادکارہ پریتیکا چوہان کو گرفتار کرلیا ہے۔

غیر ملکی میڈیا کے مطابق ممبئی میں نیشنل نارکوٹکس بیورو نے چھاپہ مار کارروائی میں 30 سالہ اداکارہ کو حراست میں لے کر 90 گرام گانجا برآمد کرلی جبکہ اداکارہ کی نشاندہی پر منشیات فراہم کرنے والے 20 سالہ نوجوان کو بھی گرفتار کرلیا گیا ہے۔

اداکارہ سے دوران تفتیش انکشاف ہوا کہ منشیات فراہم کرنے والوں میں ایک اور شخص بھی ملوث ہے جو کہ مرکزی ملزم بھی ہے

واضح رہے کہ سشانت سنگھ راجپوت کی خودکشی کی تفتیش کے دوران بالی ووڈ میں منشیات کے استعمال کا انکشاف ہوا تھا۔

اب تک کی تحقیقات میں کئی نامور ستارے بھی شامل تفتیش ہوچکے ہیں۔