پاکستان فلم و ٹی وی انڈسٹری کے معروف اداکار ہمایوں سعید نے کہا ہے کہ ترکش ڈراموں کے پاکستان میں نشر ہونے سے ہماری انڈسٹری پر کوئی منفی اثر نہیں پڑا ہے۔

تفصیلات کے مطابق ہمایوں سعید نے حال ہی میں ایک نجی ٹی وی چینل کے پروگرام میں شرکت کی ،پروگرام کے دوران میزبان نے ہمایوں سعید سے سوال کیا کہ ترکش ڈراموں کی وجہ سے پاکستانی شوبز انڈسٹری متاثر ہوئی ہے؟ جس پر اداکار نے کہا کہ ’نہیں ایسا کچھ نہیں ہے بلکہ ہمارے یہاں ترکش مواد آنا چاہئیے۔

[amazonad category=”Electronics”]

میزبان نے پوچھا کہ کہا جارہا ہے ترکش ڈراموں کی وجہ سے پاکستان کے کئی فنکار بےروزگار ہوگئے ہیں، کیا یہ بات درست ہے؟ ہمایوں سعید نے کہا کہ ’کوئی فنکار ایسے بےروزگار نہیں ہوتا ہے، ماشاءاللّہ ! ہمارے یہاں بہت کام ہے۔

اداکار نے کہا کہ ایک چینل پر ایک وقت میں صرف ترکش ڈرامے ہی نشر کیے جاتے تھے لیکن اب ایسا نہیں ہے کیونکہ وہ آخر کتنے اور کب تک بین الاقوامی مواد نشر کریں گے۔

ہمایوں سعید نے کہا کہ پاکستان میں اتنا زیادہ ترکش مواد آئے گا ہی نہیں کہ جس سے ہمارا ٹیلنٹ یا انڈسٹری متاثر ہو۔

ہمایوں سعید کا مزید کہنا تھا کہ ’ہمیں اپنا کام مزید بہتر کرنے کی ضرورت ہے۔

واضح رہے کہ عمران خان کی ہدایت پر معروف تُرک سیریز ’دیرلیش ارطغرل‘ کو سرکاری ٹی وی پر قومی زبان میں ڈب کر کے نشر کیا جارہا ہے جسے پاکستان میں خوب پزیرائی بھی مل رہی ہے۔