امریکی اداکار وِل اسمتھ کا کامیڈین کرس راک کو مُکا مارنا آسکر ایوارڈ کو شہرت کی نئی بلندیوں پر لے گیا۔
غیر ملکی میڈیا رپورٹس کے مطابق ٹیلی کمیونیکیشن میٹرز پر ریٹنگ کے لحاظ سے ہر گزرتے سال کے ساتھ ڈوبنے والے آسکر ایوارڈ کی براہ راست تقریب میں ول اسمتھ کی جانب سے کرس راک کو مُکا مارنے کی ہی دیر تھی کہ یہ ایوارڈ شو شہرت کی نئی بلندیوں پر پہنچ گیا۔
ول اسمتھ نے اسٹیج پر کرس راک کو مُکا مار کر شائقین کی توجہ اپنی جانب مبذول کروا دی اس سال ایک مکے نے اس شو کی ریٹنگز میں اضافہ کر دیا ہے۔
رپورٹس کے مطابق اس سال کی ریٹنگ ٹیلیویژن اکیڈمی ایوارڈز کی تاریخ دوسری بڑی ریٹنگ ہے۔
براڈ کاسٹر ABC کی جانب سےجاری کیے گئے ناظرین کے اعداد و شمار کے مطابق گزشتہ سال کے مقابلے اس سال ایوارڈ شو زیادہ دیکھا گیا ہے۔
ریکارڈ کے مطابق گزشتہ سال 9.85 ملین ناظرین نے یہ شو لائیو دیکھا تھا جبکہ اس سال تقریباً 15.36 ملین امریکیوں نے دیکھا ہے۔
اس سے قبل ول اسمتھ نے سوشل میڈیا سائٹ انسٹاگرام پر ایک معذرتی پیغام جاری کیا تھا۔
AdvertisementAdvertisementView this post on InstagramAdvertisementAdvertisementAdvertisementAdvertisement
جس میں انہوں نے کہا کہ میں آپ سے عوامی طور پر معافی مانگتا ہوں کرس، میں غلط تھا اور اب میں اپنے کیے پر شرمندہ ہوں اور میری حرکت ایک ایسے شخص کی طرح نہیں تھی جیسا بننے کی میں کوشش کرتا ہوں۔
آسکر ایوارڈ یافتہ اداکار ول اسمتھ نے لکھا کہ تشدد کسی بھی صورت میں ہو وہ زہریلا اور تباہ کن ہے، کل رات کے اکیڈمی ایوارڈز میں میرا رویہ ناقابل قبول اور ناقابل معافی ہے۔
انہوں نے اپنے معذرتی پیغام میں مزید کہا کہ مجھے معلوم ہے کہ مذاق کرنا آپ کا کام ہے لیکن جاڈا کی طبی حالت کے بارے میں ایک لطیفہ میرے لیے ناقابلِ برداشت تھا اور میں نے جذباتی طور پر ردعمل ظاہر کیا۔
گزشتہ روز بہترین اداکار کا آسکر ایوارڈ جیتنے والے ہالی ووڈ ہیرو وِل اسمتھ نے بیوی کا مذاق کرنے والے کامیڈین کرس راک کو تھپڑ مارا تھا۔
فلمی دنیا کے نامور ترین ایوارڈز آسکرزکی 94 ویں رنگا رنگ تقریب کے دوران ایک ایسا لمحہ بھی آیا جس نے دیکھنے والوں کو پہلے حیران پھر پریشان کر دیا۔
تقریب کے دوران کامیڈین کرس راک نے مہمانوں کو ہنسانے کی کوشش میں اپنے روایتی انداز میں وِل اسمتھ کی بیوی جیڈا پنکٹ اسمتھ کے بالوں کی کٹنگ کے انداز کا مذاق اڑایا اور ایک فلم کے سیکوئل میں کام کرنے سے متعلق تجویز بھی دے دی ۔
VIA JAPANESE TELEVISION: The uncensored exchange between Will Smith and Chris Rock pic.twitter.com/j0Z184ZyXa
— Timothy Burke (@bubbaprog) March 28, 2022
اس مذاق پر آسکر ایوارڈ کے ہال میں ایک دم خاموشی چھا گئی اور سب ہی اس مذاق پر حیران ہو گئے۔
کامیڈین کرس راک کے اس مذاق پر ول اسمتھ آپے سے باہر ہوکراسٹیج پر آئے اور کامیڈین کو تھپڑ دے مارا اور پھر واپس اپنی نشست پر جاکر بیٹھ گئے۔
یاد رہےکہ 94 ویں آسکر ایوارڈ میں بہترین اداکار کا ایوارڈ فلم ”کنگ رچرڈ” پر ول اسمتھ کے نام رہا، جبکہ جیسکا چیسٹین نے ‘دی آئیز آف ٹمی فائے’ کے لیے بہترین اداکارہ کا آسکر جیتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News