پاکستان کی معروف اداکارہ عائشہ عمر نے اپنی کامیابی کا راز بتادیا ہے۔
حال ہی میں پاکستان کی معروف اداکارہ عائشہ عمر نے میڈیا سے گفتگو کرتے ہوئے کہا کہ ’ شوبز میں اپنی اداکاری کے انمٹ نقوش چھوڑنا چاہتی ہوں، ہر آنے والا دن میرے لئے نئے چیلنج لے کرآتا ہے ‘۔
انہوں نے کہا کہ ’ اداکاری، ماڈلنگ اور گلوکاری کے شعبے ایک دوسرے سے مختلف ہیں لیکن ان سے وابستہ ہونے کے بعد بہت کچھ سیکھنے کا موقع مل رہا ہے ‘۔
یہ بھی پڑھیں: سمیع خان ایک بہترین، مہذب، پیشہ ور اور خوش مزاج اداکار ہیں، عائشہ عمر
عائشہ عمر نے کہا کہ ’ فلم اورٹی وی کے علاوہ اب تو بطورسنگرمیوزک پروگراموں میں پرفارمنس کے دوران بھی بہت کچھ سیکھنے کوملتا ہے ‘۔
اداکارہ نے کہا کہ ’ میں سمجھتی ہوں کہ اپنی صلاحیتوں کومتعارف کرنے اوران کو لوگوں تک پہنچانے کے لئے فنون لطیفہ کے شعبے سب سے بہتر ہیں ‘۔
انہوں نے کہا کہ ’ کبھی نہیں سوچا تھا کہ اس پروفیشن میں اس طرح سے کامیابی ملے گی لیکن اس کامیابی کو پانے کیلئے مجھے بہت سخت محنت کرنا پڑی ہے ‘۔
عائشہ عمر نے کہا کہ ’ اس کے علاوہ جن سینئر فنکاروں کے ساتھ کام کیا، انہوں نے بھی بہت رہنمائی کی اوریہ سلسلہ آج بھی جاری ہے ‘۔
اداکارہ نے کہا کہ ’ صرف شوبزمیں ہی نہیں زندگی کے تمام شعبوں میں ترقی کے لئے محنت، لگن سے کام کرنے کی ضرورت ہوتی ہے اوراس کے بعد ہی کامیابی مل پاتی ہے ‘۔
یہ بھی پڑھیں: شعیب ملک سے تعلقات کی خبروں پر اداکارہ عائشہ عمر نے خاموشی توڑ دی
عائشہ عمر نے کہا کہ ’ کامیابی سفارش یا پیسے سے نہیں ملتی۔ یہ انہی لوگوں کا مقدربنتی ہے جواس کے حقدار ہوتے ہیں اوراس کو پانے کیلئے خوب محنت کرتے ہیں ‘۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News