چیئرمین پی ٹی آئی عمران خان سے متعلق ٹک ٹاک اسٹار حریم شاہ کا اہم بیان آگیا ہے۔

حال ہی میں پاکستان کی معروف ٹک ٹاک اسٹار حریم شاہ نے عمران خان کے ٹوئٹ پر جواب دیا اور انکا حوصلہ بڑھایا۔

 چیئرمین پی ٹی آئی عمران خان نے اپنے ٹوئٹ میں چوہدری پرویز الہیٰ کی رہائش گاہ پر پولیس کے حملے کی مذمت کی۔

انہوں نے لکھا کہ چوہدی پرویز الہیٰ کی رہائش گاہ پر پولیس کے ایک اور حملے کی شدید مذمت کرتا ہوں۔ تحریک انصاف اور اسکے سپورٹرز کیخلاف روا رکھی جانے والی یزیدیت کی کوئی حد نہیں۔

عمران خان نے لکھا کہ اس ظلم و بربریت کے پیچھے کارفرما ذہن اس خوش فہمی کے شکار ہیں کہ اس سب سے تحریک انصاف کمزور ہوجائے گی۔ ایک سیاسی جماعت تبھی کمزور ہوتی ہے جب وہ عوام کی تائید (ووٹ بنک) سے محروم ہوتی ہے جیسا کہ پی ڈی ایم جماعتوں کے معاملے میں ہوا۔ ان ظالمانہ ہتھکنڈوں سے تو عوام کے دلوں میں پاکستان تحریک انصاف کیلئے ہمدردیاں بڑھ رہی ہیں۔

 عمران خان کی اس ٹوئٹ پر حریم شاہ نے کہا کہ پتہ نہیں کب رکے گا یہ سب، کب ہوں گے الیکشن، کب ملک میں ایک جمہوری حکومت آئے گی؟ خان صاحب ساری امیدیں صرف آپ سے ہیں۔ اوپر والا آپ کو مزید ہمت دے اور آپ اس امتحان میں سرخرو ہوں۔ امین۔