بالی ووڈ کے چاکلیٹی ہیرو شاہد کپور کی سال 2003 کی بلاک بسٹر فلم ’عشق وشق‘ کا سیکوئل بننے کی تصدیق کر دی ہے۔
بھارتی میڈیا کی رپورٹ کے مطابق، فلم ’عشق وشق‘ کے سیکوئل میں روہت صراف، رتیک روشن کی کزن پشمینا روشن اور فلم ’کبھی خوشی کبھی غم‘ سے شہرت حاصل کرنے والے اداکار جبران خان اداکاری کرتے نظر آئیں گے۔
حال ہی میں بالی ووڈ کے ابھرتے ہوئے اداکار روہت صارف نے اپنے ایک انٹرویو میں اس سیکوئل کے بارے میں بات کرتے ہوئے کہا کہ میں اس فلم کے لیے بہت زیادہ پر جوش ہوں اور تھوڑا سا گھبرایا ہوا بھی ہوں۔
اُنہوں نے کہا کہ مجھے امید ہے کہ یہ فلم شائقین کو پسند آئے گی۔ میں اس فلم میں شاہد کپور کی جگہ بالکل نہیں لینے والا کیونکہ اس فلم کی کہانی پرانی والی فلم سے بہت مختلف ہے صرف دونوں فلموں کے نام ایک جیسے ہیں اور پروڈکشن ہاؤس ایک ہے۔
روہت صراف نے مزید بتایا کہ اس فلم کی کہانی آج کے دور میں ہونے والی محبت اور دوستی پر مبنی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News