پاکستان کی معروف ٹک ٹاک اسٹار جنت مرزا نے معروف شخصیت کی چیٹ لیک کردی ہے۔

گزشتہ دنوں پاکستان کی معروف ٹک ٹاکر جنت مرزا نے ایک انٹرویو کے دوران انکشاف کیا تھا کہ انہیں پری زاد ڈرامے اور ہم کہاں کے سچے تھے میں مرکزی رول آفر ہوئے تھے۔

انہوں نے کہا تھا کہ انہیں پری زاد ڈرامے میں کاسٹ کرنے کے حوالے سے لیلیٰ صبا کا رول آفر ہوا۔ یہ رول عروہ حسین نے ادا کیا۔ جبکہ عمیرہ احمد کے مقبول ترین ڈرامے ہم کہاں کے سچے تھے میں انہیں وہ کردار آفر ہوا جو کبریٰ خان نے ادا کیا۔ کبریٰ نے ڈرامے میں مشعل نامی لڑکی کا کردار ادا کیا جو کہ ماہرہ خان کی کزن ہوتی ہے۔

   جنت مرزا کے اس بیان کے بعد انہیں سوشل میڈیا صارفین کی جانب سے خوب ٹرول کیا گیا۔

تاہم حال ہی میں ٹک ٹاک اسٹار نے اپنے انسٹاگرام اکاؤنٹ پر دونوں ڈراموں کی پروڈکشن ٹیمز کے ساتھ ہونے والی گفتگو کے اسکرین شاٹس کو شیئر کیا ہے۔

اسکرین شاٹس کو شیئر کرتے ہوئے جنت مرزا نے لکھا ہے کہ کبھی بھی نہیں چاہتی تھی کہ یہ سب شیئر کروں۔

انہوں نے لکھا کہ مجھے لگتا ہے کہ یہ مناسب نہیں ہے. تاہم مجھ پر کی جانے والی ٹرولنگ کے باعث یہ شیئر کرنے پڑے۔

 ٹک ٹاکر نے لکھا کہ کسی پرٹرول کرنے سے پہلے یہ سوچ لیں کہ آپ کی وجہ سے دوسرے شخص کا ذہنی سکون کس حد تک تباہ ہو رہا ہے۔ یا آپ کم از کم کسی آفیشل سے اس بارے میں تصدیق کرلیں۔