ماڈل و ٹی وی میزبان انوشے اشرف نے کہا ہے کہ طلاق یافتہ خواتین دوسرے شریک سفر کی تلاش میں جلد بازی نہ کریں۔
حال ہی میں انوشے اشرف نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر مداحوں کے سوالوں کے جوابات دیے۔
ایک مداح نے ان سے پوچھا کہ وہ عام طور پر تنہائی کے مسئلے سے نمٹ لیتی ہیں لیکن بعض اوقات اس مسئلے سے خود کو محفوظ رکھنا مشکل ہوجاتا ہے؟ وہ انہیں کوئی تجویز دیں۔
ماڈل نے انہیں جواب دیا کہ تنہا رہنا اور خود کو تنہا محسوس کرنا دو الگ چیزیں ہیں اور ہر انسان کی خواہش ہوتی ہے کہ وہ کسی نہ کسی کے ساتھ جڑا رہے۔
انوشے اشرف نے مداح کو تجویز دی کہ اگر وہ نئے لوگوں سے ملنے کی خواہش رکھتی ہیں اور انہیں آزمانا چاہتی ہیں تو کھلے دل کے ساتھ ہر کسی سے ملیں اور تعلقات بنائیں لیکن اگر وہ ایسا نہیں کرنا پسند کرتیں تو پھر محدود افراد کے ساتھ ہی روابط میں رہیں اور ان کے ساتھ مضبوطی سے جڑے رہیں۔
ایک خاتون مداح نے ان سے اپنی ساس کے رویے کی شکایت کی اور تجاویز مانگیں کہ وہ کیا کریں۔
جس پر انوشے اشرف نے انہیں تجویز دی کہ وہ پورے معاملے پر اپنے شوہر سے بات کریں، انہیں امید ہے کہ ان کے شوہر ان کی بات سمجھ جائیں گے۔
ماڈل کے مطابق عام طور پر مرد یہی چاہتے ہیں کہ ان کی بیویاں ان کے والدین کو برداشت کرتی رہیں لیکن آپ اپنے شوہر سے والدہ کے رویے پر بات کریں اور بدتمیزی کیے بغیر آپ اپنی ساس سے بھی بات کریں اور اپنی اپنی حدود کا تعین کرلیں اور اچھا ہوگا کہ آپ الگ گھر میں منتقل ہوجائیں۔
ایک خاتون نے ان سے تعلقات میں رہنے کے حوالے سے تجویز مانگی اور ساتھ ہی بتایا کہ انہیں حال ہی میں طلاق ہوئی ہے۔
انوشے اشرف نے تازہ طلاق یافتہ خاتون کو مشورہ دیا کہ وہ دوسرے شریک سفر کی تلاش میں جلد بازی نہ کریں، وہ پہلے خود کو تھوڑا سا وقت دیں۔
ماڈل و ٹی وی میزبان نے لکھا کہ عام طور پر ہم سب غلط وجوہات کی وجہ سے محبت اور ساتھیوں کی تلاش کر رہے ہوتے ہیں، اس لیے نئے تعلقات میں جانے سے پہلے گہرائی سے سوچیں۔
انہوں نے مداح کو مشورہ دیا کہ وہ پہلے خود خود مختار بنیں اور یہ یقین کریں کہ تنہا رہنے میں بہت مزہ اور سکون ہے، اس لیے اپنی ذات سے محبت کریں۔
Advertisement
AdvertisementView this post on InstagramAdvertisementAdvertisementAdvertisementAdvertisement
Advertisement
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News