ریئلٹی شو بگ باس 17 کا حصہ رہنے والی بھارتی اداکارہ ایشا مالویہ نے پاکستانی ڈراموں میں کام کرنے کے لیے اپنی خواہش کا اظہار کیا ہے۔
میڈیا رپورٹس کے مطابق ایشا مالویہ نے اپنے ایک انٹرویو کے دوران کہا ہے کہ وہ پاکستانی ڈرامے میں کام کرنے کے لیے تیار ہیں۔
ایک انٹرویو میں ایشا مالویہ سے پاکستانی ڈرامے میں کام کرنے کے متعلق پوچھا گیا تھا جس کے جواب میں اداکارہ کا کہنا تھا کہ وہ پاکستانی ڈرامے میں کام کرنے کی پیشکش کو قبول کریں گی لیکن ترجیح دیں گی کہ شوٹنگ بھارت میں ہی ہو۔
“میں کام کرنا چاہتی ہوں لیکن میری پہلی ترجیح بھارت کام کرنا ہوگی۔ میں انکار نہیں کروں گی لیکن میری پہلی ترجیح یہاں ممبئی میں رہ کر کام کرنا ہوگی‘‘۔
ان کے شوبز کیریئر کے متعلق بات کی جائے تو ایشا مالویہ نے بھارتی ڈڑامہ ’اڈاریاں‘ اور متعدد میوزک ویڈیوز میں کام کیا ہے۔
انہوں نے بگ باس 17 میں کافی اچھی کارکردگی کا مظاہرہ کیا اور مقابلے کے 98 ویں دن گزارے لیکن بدقسمتی سے فائنل سے کچھ دن پہلے ہی باہر ہوگئیں تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News