بھارتی ڈرامہ انڈسٹری کے معروف اداکار نتیش بھردواج اپنی سابقہ بیوی سمیتا گیٹ کے خلاف شکایت درج کرانے پولیس اسٹیشن پہنچ گئے۔
بھارتی میڈیا کے مطابق نتیش بھردواج اور سمیتا گیٹ کی شادی 2009 میں ہوئی تھی جس سے ان کی دو جڑواں بچیاں ہوئیں۔
12 برس بعد 2019 میں انہوں نے طلاق کیلئے عدالت سے رجوع کیا لیکن اب تک ان کے درمیان طلاق کیس کا تصفیہ نہیں ہوا ہے۔
سمیتا گیٹ بھوپال میں ایم پی ہیومن رائٹس کمیشن کی ایڈیشنل چیف سیکرٹری کے فرائض سرانجام دے رہی ہیں اور دونوں بیٹیاں ان کے پاس ہیں۔
اداکار کی جانب سے سابقہ اہلیہ پر الزام عائد کیا گیا کہ سمیتا اپنا اثرورسوخ استعمال کرکے انہیں بیٹیوں سے ملنے نہیں دے رہی اور بار بار ان کے اسکول بھی تبدیل کرارہی ہیں جس سے وہ نفسیاتی اور دماغی طور پر متاثر ہورہے ہیں۔
پولیس کمشنر بھوپال نے اداکار کی طرف سے شکایت درج کرانے کی تصدیق کردی ہے اور معاملے کی تفتیش کیلئے ایک پولیس افسر کو مقرر کردیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News