شاہ رخ خان، جنہیں بالی ووڈ کا بادشاہ کہا جاتا ہے، کئی سالوں سے فلم انڈسٹری کی ایک دبنگ شخصیت بنے ہوئے ہیں، جنہوں نے اپنی اداکاری سے اپنے مداحوں کے دلوں کو موہ لیئے ہیں۔

میڈیا رپورٹس کے مطابق انوپم کھیر کے شو، ’کچھ بھی ہو سکتا ہے‘ میں شاہ رخ خان نے اپنے بچپن کے بارے میں ایک حیران کن تفصیلات شیئر کیں ہیں۔

انہوں نے انکشاف کیا کہ ان کی نانی نے ابتدائی طور پر ان کا نام عبدالرحمن رکھا تھا۔

شو کے دوران جب انوپم کھیر نے کنگ خان سے پوچھا کہ کیا وہ عبدالرحمٰن نام کے کسی کو جانتے ہیں جس پر انہوں نے جواب دیا کہ، ’’میں کسی کو نہیں جانتا لیکن میری نانی نے بچپن میں میرا نام عبدالرحمٰن رکھا تھا۔‘‘

اس سے قبل اپنے ایک پرانے انٹرویو میں اداکار نے انکشاف کیا کہ “مجھے میری نانی نے گود لیا تھا کیونکہ اس وقت ان کے خاندان میں کوئی لڑکا نہیں تھا۔ لہذا، جب میں پیدا ہوا تو انہوں نے مجھے گود لیا۔ وہ حیدرآباد کے ٹولی چوکی میں رہتی تھیں اور میں نے اپنی زندگی کے تقریباً 4 سال یہاں گزارے۔

انہوں نے مزید بتایا کہ پھر ہم بنگلور شفٹ ہو گئے۔ میری ماں مجھے یاد کر رہی تھی اس لیے اس نے مجھے نانی سے واپس لے لیا اور ہم دہلی چلے گئے۔ میری والدہ کا گھر حیدرآباد میں ہے اور میری والدہ کا پورا خاندان یہاں رہتا ہے۔

خیال رہے کہشاہ رخ خان 2 نومبر 1965 کو نئی دہلی کے ایک مسلم گھرانے میں پیدا ہوئے۔ ان کی والدہ لطیف فاطمہ خان، جو ایک سماجی کارکن تھیں، حیدرآباد میں پیدا ہوئیں اور ایک سینئر سرکاری انجینئر کی بیٹی تھیں۔ ان کے والد میر تاج محمد خان (ایک پٹھان)، پشاور سے تعلق رکھنے والے ہندوستانی آزادی کے کارکن تھے۔