بالی ووڈ اداکار عامر خان نے حال ہی میں ممبئی پولیس کے سائبر کرائم سیل میں ایک ایف آئی آر درج کروائی جس کی بنیادی وجہ ان کی لوک سبھا انتخابات سے قبل ایک سیاسی پارٹی کی حمایت کرنے کی مبینہ وائرل ویڈیو ہے۔
میڈیا رپورٹس کے مطابق اداکار اور ان کی ٹیم نے دعویٰ کیا کہ یہ ویڈیو جعلی ہے اور انہوں نے کبھی کسی مخصوص پارٹی کی تشہیر نہیں کی۔
ان کی ٹیم نے یہ بھی کہا کہ اداکار نے ہمیشہ الیکشن کمیشن کی کوششوں میں مدد کی ہے اور نوجوانوں کو ذمہ داری سے ووٹ ڈالنے کی تلقین کی ہے، لیکن انہوں نے اپنے پورے کیریئر میں کبھی کسی سیاسی جماعت کا ساتھ نہیں دیا۔
خیال رہے کہ انٹرنیٹ پر گردش کرنے والی جعلی ویڈیو میں عامر کو ہر فرد کے بینک اکاؤنٹ میں 15 لاکھ روپے دینے کا وعدہ کرنے پر پی ایم مودی حکومت پر تنقید کرتے ہوئے دیکھا جا سکتا ہے۔
دوسری جانب سائبر کرائم سیل نے ابھی تک جعلی ویڈیو بنانے اور شیئر کرنے والوں کے خلاف کوئی کارروائی نہیں کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News