اداکارہ و رقاصہ نورا فتحی، جو اس وقت اپنی فلم مڈگاؤں ایکسپریس کی کامیابی سے لطف اندوز ہو رہی ہیں، نے ہندی فلم انڈسٹری کے بارے میں کچھ چونکا دینے والے انکشافات کیے ہیں۔
میڈیا رپورٹس کے مطابق یوٹیوبر رنویر الہبادیہ کے پوڈ کاسٹ، ‘دی رنویر شو’ پر حقوق نسواں کے متعلق بات کرتے ہوئے، اداکارہ نے کہا کہ ‘فیمنزم کے دور سے بہت سارے مردوں کی برین واش ہوا ہے’۔
اداکارہ نورا فتحی نے حال ہی میں حقوق نسواں کے بارے میں اپنے خیالات کا اظہار کیا ہے اور کہا کہ اس نے ہمارے معاشرے کو مکمل طور پر تباہ کر دیا ہے۔
اس کے علاوہ انٹرویو میں، نورا نے مشہور شخصیت کے جوڑوں کے بارے میں بات کی جو صرف میڈیا اور عوام کی توجہ حاصل کرنے کے لیے محبت کا ڈرامہ کرتے ہیں۔
دوسری جانب پوڈ کاسٹ کے دوران نورا نے بطور اداکار شاہ رخ خان کے بارے میں بھی اپنے خیالات کا اظہار کیا اور انہیں ‘بالی ووڈ کا برانڈ ایمبیسیڈر’ قرار دیا۔
خیال رہے کہ یہ ویڈیو رنویر نے اپنے یوٹیوب چینل بیئر بائسپس پر پوسٹ کی تھی۔
واضح رہے کہ نورا کو آخری بار ‘مڈگاؤں ایکسپریس’ میں دیکھا گیا تھا. کنال کیمو کی ہدایت کاری میں بننے والی اس کامیڈی فلم میں دیویندو، پراتک گاندھی اور اویناش تیواری بھی مرکزی کردار ادا کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News