معروف فلم پروڈیوسر کی اپنے گھر سے لاش برآمد

ویب ڈیسک

15th Apr, 2024. 03:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف فلم پروڈیوسر کی اپنے گھر سے لاش برآمد

کنڑ فلم انڈسٹری کے مشہور و معروف پروڈیوسر سوندریا جگدیش اپنی رہائش گاہ پر مردہ حالت میں پائے گئے۔

بھارتی میڈیا کے مطابق گزشتہ روز سوندریا جگدیش نے اپنی رہائش گاہ پر خودکشی کی مبینہ کوشش کی جس کے بعد اُن کی موت ہو گئی۔

سوندریا جگدیش کا شمار کنڑ فلم انڈسٹری کے سب زیادہ مقبول پروڈیوسرز میں ہوتا تھا : فوٹو : فائل

پروڈیوسر کے دوست نے میڈیا کو بتایا کہ جگدیش کی موت خودکشی کی کوشش کے بعد ہوئی ہے، ہم اُنہیں اسپتال لیکر گئے تھے جہاں ڈاکٹروں نے اُنہیں مردہ قرار دیا تھا۔

دوست کا کہنا تھا کہ جگدیش کی موت دل کا دورہ پڑنے کی وجہ سے نہیں ہوئی، وہ تو بالکل ٹھیک تھے، اُنہیں صحت کا کوئی مسئلہ نہیں تھا۔

انہوں نے کہا کہ جب اُنہیں اسپتال لے جایا گیا تو وہاں ڈاکٹروں نے بتایا کہ سوندریا جگدیش نے پھانسی لگا کر خودکشی کی کوشش کی تھی۔

پروڈیوسر کے دوست نے بتایا کہ ہم پولیس کی کارروائی مکمل ہونے تک میڈیا کو جگدیش کی موت اور خودکشی کی اصل وجہ بتانے سے قاصر ہیں۔

پولیس کے مطابق پروڈیوسر جگدیش کی موت کی تحقیقات جاری ہیں اور اس واقعے میں تمام مناسب کارروائی کی جائے گی۔