پاکستان شوبز انڈسٹری کے معروف اداکار دانش تیمور نے کہا ہے کہ ان کا ماننا ہے کہ شادی کا بھی ایک مقررہ وقت ہوتا ہے اور ہر رشتہ اپنے طے شدہ وقت پر ہی مکمل ہوتا ہے۔

نجی ٹی وی چینل کی رمضان ٹرانسمیشن میں گفتگو کرتے ہوئے دانش تیمور نے بتایا کہ میری پہلی ملاقات عائزہ خان سے 2008 کے آخر میں ہوئی تھی، ملاقات کے بعد میں نے 2009 میں شادی کا ارادہ کیا تھا جبکہ میری شادی 2014 میں انجام پائی۔

انہوں نے کہا کہ اس دوران مجھے صبر اور محنت سے کام لینا پڑا اور اپنے کیریئر پر توجہ مرکوز رکھنی پڑی۔

اداکار نے مزید کہا کہ میں اس بات پر یقین رکھتا ہوں کہ اللہ تعالیٰ نے ہر کام کے لیے ایک وقت مقرر کر رکھا ہے اور انسان کی شادی بھی اسی وقت ہوتی ہے جو اس کے لیے مقدر ہو۔

آخر میں دانش تیمور نے اپنی ازدواجی زندگی کو اللہ تعالیٰ کی طرف سے دی گئی نعمت قرار دیا۔