شوبز انڈسٹری کی معروف جوڑی علی انصاری اور صبور علی نے اپنی بیٹی سرینا کی پہلی سالگرہ سادگی مگر محبت بھرے انداز میں منائی جس کی تصاویر سوشل میڈیا پر تیزی سے وائرل ہو رہی ہیں۔
اداکارہ صبور علی نے انسٹاگرام پر اس خوبصورت موقع کی جھلکیاں مداحوں کے ساتھ شیئر کیں۔
تصاویر میں فیملی کو خوشگوار موڈ میں جب کہ ننھی سرینا کو کھلونوں کے ساتھ کھیلتے ہوئے دیکھا جا سکتا ہے جب کہ تقریب میں شوبز انڈسٹری سے تعلق رکھنے والی کئی معروف شخصیات نے بھی شرکت کی۔
سالگرہ کی تقریب میں اداکارہ سجل علی کی موجودگی نے بھی مداحوں کی خاص توجہ حاصل کی۔
View this post on Instagram
صبور علی نے اپنی پوسٹ کے کیپشن میں بتایا کہ میں نے یہ تصاویر کچھ تاخیر سے شیئر کیں کیونکہ میں اس بات پر غور کر رہی تھیں کہ اس یادگار لمحے کو سوشل میڈیا پر شیئر کیا جائے یا صرف اپنے دل کے قریب رکھا جائے۔
اداکارہ کا کہنا تھا کہ کچھ احساسات اتنے گہرے ہوتے ہیں کہ انہیں دوسروں کے ساتھ بانٹے بغیر رہا نہیں جاتا۔
اپنی بیٹی سے محبت کا اظہار کرتے ہوئے صبور علی نے لکھا کہ اس کے ننھے رونے کو پہچاننے سے لے کر اس کی خاموش ضروریات کو سمجھنے تک اور بے خوابی بھری راتوں سے لے کر اس کی گرمجوش آغوش تک، ہر لمحہ ایک خوبصورت جادو جیسا محسوس ہوا۔
انہوں نے مزید کہا کہ آج بھی حیران ہوں کہ ایک ننھی سی جان کیسے میری پوری دنیا بن گئی، ہمیشہ اپنی بیٹی کی حفاظت، رہنمائی اور ہر قدم پر اس کا ساتھ دوں گی۔
