سونف کے فوائد اور خصوصیات لاتعداد ہیں، یہ بے شمار منرلز، وٹامنز اور غذائی ریشے سے بھرپور جڑی بوٹی ہے جوکہ خواتین میں ہارمونز کے بگاڑ کو درست کرتی ہے۔

 سونف کا قہوہ بھی اپنے اندر جادؤئی خصوصیات رکھتا ہے اور اس کے لئے ماہرین غذائیت کا کہنا ہے کہ اگر وزن میں تیزی سے کمی لانا چاہتے ہیں تو سونف کا قہوہ کمال دکھاتا ہے۔

اس کے علاوہ بھی اس میں صحت کے حوالے سے بے شمار خوبیاں موجود ہیں۔ لیکن یہاں ہم سونف سے بنی مزیدار ریسیپی لے کر آئے ہیں جوکہ گرمیوں میں بہت زیادہ فائدہ پہنچانے والی ہے۔

سونف کا شربت

سونف کا شربت بنانے کیلئے سب سے پہلے اس کا پاؤڈر بنا کر رکھ لیں تو یہ ایک سال تک خراب نہیں ہوتا۔

سونف کا پاؤڈر کیسے بنائیں؟

سونف 6 کھانے کا چمچ

چھوٹی الائچی آدھا کھانے کا چمچ

مصری 50 گرام

کالا نمک ایک چوتھائی چائے کا چمچ

یہ آپ کا شربت کا پاؤڈر تیار ہے اس کو کسی ائیر ٹائٹ جار میں رکھ لیں یہ ایک سال تک خراب نہیں ہو گا۔ اس کو بنانے کے دو طریقے ہیں جو ہم آپ کو یہاں بتارہے ہیں۔

ترکیب:

طریقہ 1

ایک گلاس پانی میں ایک چمچ یہ پاؤڈر ڈالیں،مکس کر لیں( اسے آپ چھان بھی سکتے ہیں) اس میں تخم بالنگا ڈالیں، ڈھیر ساری برف ڈالیں، آپ کا مزیدار شربت تیار ہے ۔

طریقہ 2

ایک گلاس میں یہ پاؤڈر ڈالیں اب اس میں تخم بالنگا ڈالیں اور اوپر سے کوئی بھی وائٹ سوڈا ڈرنک شامل کردیں۔

لیجئے آپ کی ریفریشنگ ڈرنک تیار ہے خوب برف ڈال کر پئیں اور مہمانوں کو بھی پلائیں۔

یہ بھی پڑھیں: سونف کے پانی سے دنوں میں اپنا وزن کم کریں