ہارٹ اٹیک ایک ایسا مرض ہے جس میں فوری طبی امداد فراہم نہ کرنے پر مریض کی موت بھی واقع ہوسکتی ہے۔
ماہرین کافی عرصے سے دل کا دورہ پڑنے کی وجوہات تلاش کررہے تھے تاکہ انسان کو سنگین دورے (ہارٹ اٹیک) سے قبل ہی آگاہی ہوجائے اور وہ کچھ امداد کرسکے، کیونکہ دل کا دورہ دنیا بھر میں اچانک موت کی سب سے بڑی وجہ ہے۔
تحقیقاتی ماہرین کے مطابق خواتین اور مردوں میں دل کا دورہ پڑنے کی علامات مختلف ہوسکتی ہیں۔ 6 ایسی علامات ہیں جو ہارٹ اٹیک کے وقت صرف خواتین میں ہی ظاہر ہوتی ہیں۔
1-ٹھنڈا پسینہ آنا:
ماہرین کا کہنا ہے کہ دل کا دورہ پڑنے سے قبل خواتین کو ٹھنڈا پسینہ آنا بنیادی علامت ہے ایسی صورتحال میں فوری ڈاکٹر سے مشورہ کرنا چاہیے کیونکہ ممکن ہے یہ اعصابی تناوٓ سے جڑا ہو۔
2-سینے میں درد اور گھٹن ہونا :
ہارٹ اٹیک کے دوران سینے میں درد ہونا بنیادی علامت ہے لیکن یہ درد سینے کے بائیں طرف ہوتا ہے اور دونوں جنسوں میں یہ علامت یکساں ہے۔ لیکن خواتین کے دائیں جانب اور سینے کے درمیان میں بھی درد ہوسکتا ہے۔
3-کمر، گردن، جبڑا اور بازو میں درد ہونا:
کمر، گردن اور جبڑے میں درد بھی دل کے دورے کی علامات میں سے ایک ہے جو خواتین کو کنفویز کرسکتے ہیں.
یہ درد اچانک شدید ہوسکتا ہے اور دھیما بھی ہوسکتا ہے جبکہ بائیں بازو میں درد ہونا مرد و خواتین دونوں میں ہارٹ اٹیک کی یکساں علامت ہے لیکن خواتین کے دائیں بازو میں بھی درد ہوسکتا ہے۔
4-سانس کا اکھڑنا اور نیم بے ہوشی :
5-معدے میں شدید درد :
دل کا دورہ پڑنے والا ہے یہ معدے میں تیزابیت سے ظاہر ہوجاتا ہے، بہت سی خواتین معدے پر بھاری بوجھ محسوس کرتی ہیں، تحقیقی ماہرین نے مشورہ دیا کہ ایسی صورت میں خواتین کو فوری طور پر معالج سے رابطہ کرنا چاہیے۔
6-شدید تھکاوٹ :
بعض اوقات خواتین سوکر اٹھنے کے بعد بھی شدید تھکاوٹ محسوس کرتی ہیں، اگر ایسی صورتحال کا سامنا ہے تو یہ اس بات کی نشاندہی ہے کہ دل خون کا درست طریقے سے پمپ نہیں کررہا۔ جو دل کا دورہ پڑنے کی علامت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News