صوبہ پنجاب میں کورونا وائرس کے تشخصی ٹیسٹ کس طرح کئے جارہئے ہیں اور ان کے لئے کس نوعیت کی احتیاطی تدابیر کی جارہی ہیں ان تمام کی صورتحال تصاویر کی مدد سے منظر عام پر آگئی ہیں، پنجاب میں کورونا ٹیسٹ کی تصاویر وزیراعلیٰ پنجاب کے دورے میں سامنے آئی ہیں۔

تفصیلات کے مطابق وزیر اعلی عثمان بزدار کا پرسنل پروٹیکشن ایکیوپمنٹ پہن کر پنجاب کی سب سے بڑی بی ایس ایل لیول تھری لیب کا دورہ کیا جس میں انہوں نے ایکسٹریکشن روم، بائیو سیفٹی کیبنٹ اور آرٹی امپلیفکیشن کا جائزہ، ٹیسٹ کے مختلف مراحل کا مشاہدہ کیا اور عملے سے طریقہ کار بھی دریافت کیا۔

دورے کے دوران وزیراعلیٰ پنجاب عثمان بزدار کو بتایا گیا کہ برڈووڈ روڈ پر محکمہ پرائمری اینڈ سیکنڈری ہیلتھ کیئر کے تحت سنٹرل پی سی آر لیب قائم کی گئی ہے جس میں 2000 کورونا ٹیسٹ روزانہ ہونگے۔

انہیں مزید آگاہ کیا گیا کہ بی ایس ایل لیول تھری لیب کو ہوا کے منفی دباؤ سے ماحول کو صاف رکھا جاتا ہے اور سیمپل بائیو سیٹفی کیبنٹ میں ٹریٹ کیا جاتا ہے۔

وزیراعلیٰ کو بتایا گیا کہ ٹیسٹ سیمپل کو کولڈ چین ٹرانسپورٹ سے لیب لایا جاتا ہے اور لیب میں دن رات مائیکرو اور مالیکیولر مستقل بنیادوں پر بیالوجسٹ کام کررہے ہیں۔

تصاویر میں دیکھا جاسکتا ہے کہ کس طرح لیب کا محکمہ وزیراعلیٰ عثمان بزدار کو لیب کے متعلق اور کورونا وائرس کے ٹسٹ کے متعلق آگاہ کر رہے ہیں۔

وزیر اعلی عثمان بزدار کی جانب سے سیکرٹری پرائمری اینڈ سیکنڈری ہیلتھ کیئر اور لیب سٹاف کو شاباشی دی گئی جبکہ کورونا کے خاتمے کے لئے ان تمام کی خدمات کو خوب سراہا گیا۔