عالمی ادارہ صحت نے خبردار کرتے ہوئے کہا ہے کہ موجودہ حالات کے پیش نظر کورونا کی وباء ابھی ختم ہونے کا کوئی امکان نہیں ہے۔
تفصیلات کے مطابق عالمی ادارہ صحت کی ایمرجنسی کمیٹی کی جانب سے ہونے والے ورچوئل اجلاس میں اس بات کی نشاندہی کی گئی ہے کہ فی الحال عالمی وباء ختم ہونے کا کوئی امکان نہیں ہے۔
اجلاس میں بتایا گیا ہے کہ کورونا ویکسین لگوانے اور علاج کے ذریعے پیشرفت دیکھی گئی ہے ۔
اجلاس میں کمیٹی کی جانب سے مطالبہ کیا گیا ہے کہ کورونا کے عناصر سے متعلق مزید تحقیقات کی جائے تاکہ آنے والے وقتوں میں اس وباء پر کنٹرول رکھا جاسکے۔
اجلاس میں کمیٹی کی جانب سے اس بات پر زور دیا گیا ہے کہ کورونا وائرس کی منتقلی کو کم کرنے کے لیے ماسک کا استعمال، جسمانی فاصلہ، ہاتھوں کو صاف رکھنا اور انڈور سطح پر ہوا کے گزر کے نظام میں بہتری اب بھی ضروری ہے۔
کمیٹی نے اصرار کرتے ہوئے کہا کہ بین الاقوامی سفر کے لیے ویکسی نیشن کا ثبوت لازمی نہیں ہونا چاہیے اور نہ ہی یہ واحد شرط ہونی چاہیے۔
ممالک کو شرط کے بجائے بین الاقوامی سفر کے لیے خطرات کے نقطہ نظر سے اقدامات اٹھانے چاہیئں، جس میں ٹیسٹ اور قرنطینہ جیسے اقدامات شامل ہیں جب یہ مناسب ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News