ایک تحقیق کے مطابق وہ مرد جنہیں سر پر بار بار چوٹ لگتی ہے ،جیسے کہ باکسنگ میچ کے دوران ، انہ میں الزائمر کے مرض کے خطرات تین گُنا تک بڑھ جاتے ہیں

ڈیلی میل کے مطابق بوسٹن یونیورسٹی کے محققین کی جانب سے کی جانے والی تحقیق میں معلوم ہوا کہ دماغ کیے سفید مادے میں چوٹ لگنے کے شواہد ایم آر آئی اسکین میں دیکھے جاسکتے ہیں۔

اسکین میں یہ سفید مادہ ہائپر اِنٹینسیٹیز چمکیلے نشان کے طور پر دِکھتی ہیں اور ہائی بلڈ پریشر جیسی صورتحال کی جانب اشارہ کرسکتی ہیں۔

تاہم 75 ایتھلیٹس پرکی جانے والی تحقیق میں ٹیم نے دیکھا کہ یہ نشانات ان ایتھلیٹس میں عام تھے جو لمبے عرصے تک چھونے کے کھیل کھیلتے تھے یا جن کو زیادہ چوٹیں سر پر آئیں۔

ایم آر آئی اسکین میں دماغ کے نقصان کی علامات کو پہچاننے کی صلاحیت، سر پر لگنے والی چوٹوں کے اثرات کے مطالعے اور ان پر غور کرنے میں مدد کرسکتی ہے۔

برطانوی باکسنگ بورڈ کا کہنا تھا کہ ’برطانیہ میں باکسرز طبی نقطہ نظر سے قریب سے نگرانی کیے جانے والے کھلاڑی ہوتے ہیں۔ پھر بھی اس بات کو تشلیم کرنا پڑے گا کے چوٹیں وقتاً فوقتاً لگیں گی اس لیے بورڈ کے رنگ سائیڈ سیفٹی ضروریات اتنی سخت ہیں۔‘

باکسر معمول کے مطابق میڈیل اور دماغ کے اسکین کےلیے جاتے ہیں اور بورڈ کونکشن(سر پر چوٹ لگنے کے سبب ہونےوالی وقتی بے ہوشی) اور طویل المدت صحت پر ورکشاپ کراتا رہتا ہے۔