فرانس میں حکومت کی جانب سے غیر ویکسین شدہ افراد کے متعلق اہم اعلان کرنے کے بعد گزشتہ ماہ 10 لاکھ بالغ افراد نے کووڈ ویکسین کی پہلی خوراک لگوا لی۔
فرانسیسی حکومت کے ترجمان نے جمعرات کو بتایا کہ حکومت کی جانب سے غیر ویکسین شدہ افراد کو تمام ریسٹورانٹ، اسپورٹس ایرینا اور دیگر جگہوں سے نکالنے کے منصوبے کے اعلان کے بعد گزشتہ ماہ میں ملک بھر سے 10 لاکھ افراد نے ویکسین کی پہلی ڈوز لگوائی ہے۔
فرانسیسی پارلیمان نے نیا قانون منظور کیا جس کا نفاذ آئندہ آنے والے دنوں میں متوقع ہے۔
حکومتی ترجمان گیبریئل ایٹل کا کہنا تھا کہ ویکسین پاس ہمارے لائحہ عمل میں ایک نیا قدم ہے تاکہ حوصلہ افزائی (ویکسینیشن کی) کی جا سکےاور زیادہ سے زیادہ تحفظ کو یقینی بنایا جاسکے۔
اعداد و شمار کے مطابق 92 فی صد بالغ افراد یعنی 4 کروڑ 80 لاکھ افراد مکمل ویکسین شدہ ہیں اور 94 فی صد افراد نے کم از کم ایک خوراک لی ہوئی ہے۔
ایٹل نے مزید کہا کہ ویکسین پاس نے بوسٹر مہم میں بہت تیزی سے مدد کی۔
انہوں نے یہ بھی کہا کہ ویکسینیشن مہم کے اعتبار سے فرانس اب یورپ میں سب سے آگے ہے۔
نئے قانون کے مطابق ریسٹورانٹ، سنیما، تھیٹر اور اسپورٹس ارینا وغیرہ میں جانے اور اندرونِ ملک ٹرین یا پروازوں کے لیے مکمل ویکسینیشن کی ضرورت ہوگی۔
حکومت کا کہنا تھا کہ ان لوگوں کے کچھ استثنیٰ رکھا گیا ہے جو حال ہی میں کووڈ-19 سے صحت یاب ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News