ایک تحقیق میں بتایا گیا ہےکہ ویپنگ نوجوانوں کے لیے روز مرّہ کی تمباکو نوشی کی راہ ہموار نہیں کرتی ہے۔

یورنیورسٹی کالج لندن کے محققین نے برطانیہ میں 2007 سے 2018 کے درمیان 16 سے 24 سال تک کے افراد میں ای سیگریٹ اور روایتی تمباکو کی اشیاء کے استعمال کے متعلق مطالعہ کیا۔

مطالعے میں انہیں معلوم ہوا کہ ان دو چیزوں کے درمیان کوئی خاص تعلق نہیں۔

 یہ تحقیق گزشتہ تحقیق میں حاصل ہونے والی معلومات کو رد کرتی ہے جس میں دعویٰ کیا گیا تھا کہ نوجوان ویپرز تمباکو نوشی کی جانب مائل ہوتے ہیں۔

محققین نے اندازہ لگایا کہ سب سے بد تر صورتحال میں بھی 10 میں سے ایک نوجوان جو ای سیگریٹ استعمال کرتا ہے وہ روایتی تمباکو نوشی کرنے والا بنتا ہے۔

اگرچہ ای سیگریٹ میں روایتی سیگریٹس کی نسبت کم کیمیکلز ہوتے ہیں، پھر بھی ای سیگریٹس خطرے سے خالی نہیں ہوتی اور نِکوٹین کے متحمل ہوتی ہے جو پھیپھڑوں کو نقصان پہنچا سکتی ہے۔

اس تحقیق کے سامنے آنے کے ساتھ ہی بلدیاتی حکومتی ایسوسی ایشن نے برطانوی حکومت پر ویپنگ اشیاء پر سے وی اے ٹی کم کرنے کے لیے زور دیا ہے تاکہ تمباکو نوشی ترک کرنے میں لوگوں کی مدد کی جا سکے۔