آج ہم آپکو سرسوں کے تیل کے حیرت انگیز فوائد بتائیں گے۔
وقت سے پہلے بالوں کی سفیدی
سرسوں کے تیل میں وٹامن، معدنیات، فولاد کیلشیم اور فیٹی ایسڈ موجود ہوتے ہیں، اس کے علاوہ اس میں بیٹا کیروٹین بھی موجود ہوتا ہے جو کہ وٹامن اے میں تبدیل ہوجاتا ہے جس سے بالوں کو صحت ملتی ہے اور قبل از وقت سفیدی کا عمل رکتا ہے۔
اس کے لیے ہفتے میں کم از کم دو بار باقاعدگی سے سرسوں کے تیل کی بالوں پر مالش کرنا مفید ہوتا ہے۔
بالوں کو گرنے سے روکے
بالوں کو گرنے سے روکنے کے لیے سرسوں کے تیل میں ہم وزن زيتون کا تیل اور ناریل کا تیل شامل کر دیں اور ہفتے میں ایک بار اس سے سر پر مساج کریں۔
یہ بھی پڑھیں: کیا آپ بالوں میں مہندی لگانے کے یہ فوائد جانتے ہیں؟
تین سے چار گھنٹوں کے لیے اس کو بالوں پر لگا رہنے دیں اور اس کے بعد شیمپو کر لیں۔
کچھ ہی دنوں میں بالوں کا گرنا بند ہو جائے گا۔
دھوپ سے جلد کی رنگت کی خرابی کو دور کرنا
عام طور پر دھوپ میں باہر نکلنے سے جلد کی رنگت ماند پڑ جاتی ہے جس کو واپس نارمل حالت میں لانا آسان نہیں ہوتا ہے۔
اس کو دوبارہ نارمل حالت میں لانے کے لیے سرسوں کا تیل اور ناریل کا تیل ہم وزن لے کر اچھی طرح ملا لیں اور اس سے متاثرہ جلد پر نرم ہاتھوں سے 10 سے 12 منٹ تک مساج کریں۔
اس کے بعد ویٹ ٹشو سے اس کو اچھی طرح سے صاف کر لیں۔
جلد کی رنگت قدرتی طور پر نہ صرف بحال ہو جائے گی بلکہ اس کی چمک دمک میں بھی اضافہ ہو جائے گا۔
یہ بھی پڑھیں: پان کے پتوں سے کونسی بیماری کا علاج ممکن ہے؟ جانیے
چھائيوں کو دور کرنے کے لیے
چھائيوں کو دور کرنے کے لیے ایک چمچ بیسن لے لیں اس میں چند قطرے شہد اور تھوڑی سی مقدار میں سرسوں کے تیل کو اس طرح ملا لیں کہ ایک پیسٹ بن جائے اس پیسٹ کو ہلکے ہاتھوں سے چہرے پر لگائيں اور اس کے بعد نیم گرم پانی سے اس کو دھو لیں۔
یہ عمل ہر روز سونے سے قبل کریں، کچھ ہی دنوں میں چھائيوں کا رنگ ہلکا ہونے لگے گا اور وہ غائب ہو جائيں گی۔
ہونٹوں کی خشکی دور کرنے کے لیے
عام طور پر سرد موسم میں ہونٹ خشک ہو کر پھٹنے لگتے ہیں اگر ہونٹوں کو نرم اور خوبصورت بنانا ہے تو اس کے لیے سرسوں کے تیل کے کچھ قطرے اپنی ناف میں لگائيں۔
یہ بھی پڑھیں: ہاتھوں اور پیروں میں بھی بہت زیادہ پسینہ آنے کی وجہ بھی جان لیں
روزانہ صبح یہ عمل کرنے سے ہونٹ نرم ہو جائيں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News